يابنت في شعرك للاحـزان تلمـيــــح**وفي كل حـرفً تكتبينـــه حزيــنــه
الحب نسمه والحزن عاصفة ريــــــح**وبالعاصفه تغرق احمـــول السفينـه
الحرملـه ماتنبـت بمنبـت الشــيــــــح **واصفـر نحاسـه لايغـــرك رنيــنــه
دمع البرائه فـي عيـون التماســيــح**ماتمنـع انيابـه تبـــوح الضغيــنــه
ضحك الطفل في جو لعب المراجيــح**مايمنـع الاقـدار تنهـــي سنــينـــه
حبٍ يتيم لمرهف احساسه اشـــحيـح**طفلٍ على الحلـوى مسكـــر يدينـه
دمعة صغيرٍ واعتلت خـده تـــسيـــح**شـال النعـوش مشيـــعً والديــــنـه
فوضى مشاعر في سنيـنٍ مشافيـح**نضرة غريبً فـي زحــــام المدينــه
يالمغرمه حزنك على بابك يصيـــــح**وافراح عمرك في المقابـر دفينـه
الكبت لو زادو على النفس ترويــــــح**زاده غموض وزود الوقـت بينــــه
جرح الحزن زادته الاشعار تـجريـــح**وحرف الشجن سدد للاحزان ديــنـه
بنت القصيد بشعرها الحزن تصريـــح**وبيت القصيد بحـزن بنتـه رهينـــه
تحياتي :