كاميرا القصص وحكايات من الواقع

لم أكتفي بذلك مع المعلمات وخصوصا العصبيات منهم فـ هناك موقف حصل معي
كان يا مكان في حصة الرياضيات كانت تسأل المعلمة عن حل لدرس من دروس الرياضيات بعد ما تعبت في شرحه وتطلع البنات على السبورة .. وكان كل وحدة تطلع ما تعرف تحل وأنا الوحيدة الي اعرف الإجابة ..وأرفع يدي وأصيح على المعلمة إنها تطلعني ( تعرفوا عاد لما تتحمس الطالبة الي عارفه الإجابة ) والمعلمة تبص علي وتقول : لا غيرها وتطلع بنت ثانية وما تعرف تحل وأنا يزيد حماسي أكثر وأصيح على المعلمة انها تطلعني ( أنا يا أبلى .. أنا يا أبلى ) والمعلمة تبص علي وتقول لاااا غيرها ( لأنها متأكدة 100% إني راح أحل ) وتطلع وحده ثالثة والرابعة والخامسة ........... والكل ما يعرف ... وأنا في حماس متزايد الين ما جننت المعلمة , لأن الحل كان جداً سهل وأنا واثقة من نفسي . المهم ... بعد ما يئست المعلمة من طالباتها الي خيبوا ظنها .. قالت لي يالله اطلعي حلي .. وأنا ما صدقت سمحت لي وطلعت وكلي ثقة ..أخذت الطبشورة وبدأت أقرب من السبورة وبدأت الأرقام تكبر وتكبر لحد ما وصلت الى اخر السبورة ..وقالت المعلمة يالله شوفوا زميلتكم كيف تحل ( وهي زعلانه منهم وفي نفس الوقت مبسوطة إن فيه أحد فاهم درسها ) ..وبدأت أحل ...... أطالع في الأرقام ... لقيتها كبيييييرة وتهت في السبورة وتنحت وما عرفت أكتب ولا كلمة .. والمعلمة تبص علي منتظرتني أكتب شي .. على الأقل الرقم الأول .. وأنا زي الصنم ... وبعدين قالت لي المعلمة يالله حلي وأنا ساااااكته ولا قدرت أكتب شئ .. عصبت المعلمة أكثر من قبل وهي أصلاً خلقة عصبية وقربت مني وأعطتني كف جاااااااامد االله لا يوريكم الى حد ما وصلتني لمكاني .. طبعاً بعد الكف نسيت الدنيا كلها مش بس الحل ... ولا نزلت مني ولا دمعه لأني تفاجأت أول شي اني ماعرفت الحل والمفاجأة الثانية طبعاً كان الكف..
والله كان موقف في وقته محزن بالنسبه لي بس الآن وبعد ما كبرت صرت أتذكر الموقف وأمووووت من الضحك على نفسي
( بس أكيد توافقوني الرأي المعلم ماله حق أنه يضرب الطالب على وجهه مهما كان حتى لو كان كسلان فما بالكم بي ..ما أمدح نفسي .. يعني اشوية تقدير على الأقل ... بعدين هذي كانت أول غلطة لي .. وآخر غلطة طبعاً بعد الكف .ههههه ..لكن قدر الله وما شاء فعل .. والله يسامح المعلمة دنيا وآخرة ..