منتدى الخدمة الاجتماعية بسوهاج

 
الرئيسيةالبوابةبحـثالتسجيلدخولتعليمات

شاطر | 
 

 بشري لأهالي سوهاج عــامةً

اذهب الى الأسفل 
كاتب الموضوعرسالة
scorpion
كبير الاداريين
كبير الاداريين
avatar





الفرقة : الرابعة
تاريخ التسجيل : 02/12/2010
عدد المساهمات : 296
بنك المنتدى لشراء الصلاحيات : 4680
العمر : 28

مُساهمةموضوع: بشري لأهالي سوهاج عــامةً   الخميس مارس 31, 2011 3:40 pm

السلام عليكم ورحمه الله وبركاته


في يوم الأثنين القادم بمشيئة الله

الموافق 4 / 4 / 2011

سيحضر في تمام الساعة السابعة مساءاً إلي ستاد سوهاج الرياضي بالمحافظة

الشاعر الكبير هشام الجخ

.....................

فمن استطاع الحضور

فرجاء أن يصور لنا هذه الحفلة

وننفرد بأحدث الحصريات للشاعر هشام الجخ في هذه الحفلة



_________________
يارب يكون لي فيكي نصيب .. وأعيش العمر ف عنيكي وأكون ليكي دفا وحبيب .. يحققلك أمانيكي وأريح قلبك الغالي .. وأطمن قلبي علي حالي وأشيل منك ومني الخوف .. من الفرقة من التعذيب
يـــــــــــــــــــــ يكون لي فيكي نصيب ــــــــــــــــــــارب
إدعــــــــــــــولي
الرجوع الى أعلى الصفحة اذهب الى الأسفل
الزعيم حسام
المراقب العام
المراقب العام
avatar






تاريخ التسجيل : 24/01/2011
عدد المساهمات : 654
بنك المنتدى لشراء الصلاحيات : 8777
الموقع : الزعيـــــم حســــــــــ ـــــــــــــــ ـــــــام

مُساهمةموضوع: رد: بشري لأهالي سوهاج عــامةً   الجمعة أبريل 01, 2011 5:54 am

بارك الله فيك احنا عارفين الخبرر ده ياعم عيزين الجديد


هههههههههههههههههههههه
العيال عملين معاك ايه
سلملي عليهم

_________________

الرجوع الى أعلى الصفحة اذهب الى الأسفل
محمد صلاح
مرشح للاشراف على قسم القصص والروايات
مرشح للاشراف على قسم القصص والروايات



تاريخ التسجيل : 04/03/2011
عدد المساهمات : 38
بنك المنتدى لشراء الصلاحيات : 722

مُساهمةموضوع: رد: بشري لأهالي سوهاج عــامةً   الجمعة أبريل 01, 2011 7:19 am



ماكتبه هشام الجخ عن نفسه
( نقلا عن جروبه علي الفيس بوك )


" ازيكم جميعا اولا
بصوا بقى
الناس عايزاني اكتب هنا ( سي في) خاص بيا وبتاع
وانا مليش في الحاجات دي
من الاخر مبعرفش اتكلم عن نفسي كويس
لكن ما علينا
انا هشام الجخ
هشام الجخ بس
حاقعد اقول سافرت وحصلت وعملت ؟؟؟
حاسس انها شكل من اشكال (السهوكة) الغير مبررة
عموما
اسمي بالكامل
هشام كامل عباس محمود الجخ مهدي محمد علي سالم ابو جاموس
عمامي من قنا وخوالي من سوهاج
اتربيت في سوهاج ودخلت كلية التجارة هناك
كانت اياميها تبع جامعة اسيوط
حولت لجامعة عين شمس واتخرجت منها سنة 2003 وعملت دراسات عليا في ادارة الاعمال في جامعة عين شمس
اتعينت في الجامعة مسؤول عن المركز الثقافي في نفس سنة التخرج واستقلت من الجامعة في 11/ 2009
ومحدش يقول لي ليه
انا منفعش ابقى موظف من الاخر
مواليد اول اكتوبر برج الميزان يعني
بسمع حنان ماضي وانغام وشيرين ووائل جسار
بعشق منير ومارسيل خليفة وكاظم الساهر
بموت في ام كلثوم .. لكن كوكب الشرق عندي فيروز طبعا
بكتب شعر على مهلي
على مهلي جدا
بحترم الشعر
بحب الشعر وبذاكره وبهتم بيه ومش بقوله غير وانا عايز اقوله
بعشق عيون الناس وهي بتلمع وانا واقف على خشبة المسرح
وبموت في كلمة الله لما تطلع من الناس
وامنية حياتي اني لما اموت .. العالم كله يعرف ان هشام الجخ مات

تحياتي ؛
هشام الجخ "


بعض من قصائد هشام الجخ


كلمات قصيده انطردي الان من الجدول

" انطردي الآنَ من الجدولْ

موتي فالكلُّ هنا ماتوا وأنا اعتدتُ حياتي أَرْمَلْ
واعتدتَ الهَجرَ بلا سببٍ وبرغمِ الحيرةِ لم أسألْ
وظلَلْتُ أسجِّلُ أسماءً وأسطِّرُ خاناتِ الجدولْ

ضُنِّي إحساسَكِ ما شئتِ فأنا مَلِكٌ لا أتوسَّلْ
لا أبكي لفراقِ حبيبٍ أو أترجَّى أو أتذلَّلْ
رقةُ شِعري قَوْلٌ إفكٌ فَفُؤادي مِن صَخْرٍ جَنْدَلْ
علَّقتُ نساءً في سَقْفِي وجلسْتُ فخورا أتأمَّلْ
وغزوتُ عُيوناً لا تُغْزَى غافلتُ رموشاً لا تَغْفَلْ
و زَرَعْتُ النُّسوةَ في أرضٍ لا آخرَ فيها أَوْ أَوَّلْ
ديكتاتوريا إن أُعْطِي ديكتاتوريا إن أَبْـخَلْ
وَقَّعْتُ - أَنَا - صَكَّ الهَجْرِ فالحاكِمُ يَعْزِلُ لا يُعْزَلْ

فانطردي الآن من الجدول

غِيبِي فَلَكَمْ قَبْلَكِ غابوا لا شيءَ يَـجِيءُ وَ لا يَرْحَلْ
ما الوردُ إذنْ لَوْ لَمْ يَذْبُلْ ؟؟ ما الشمسُ إذنْ لو لم تَأْفُلْ ؟؟
لا تَنْتَظِرِينِي نَسْنَاساً أَقْبَلُ يَوْمَاً أن أتَسَلْسَلْ
وَ يَـجِيءَ الناسُ إلى قَفَصِي لِيَـرَوْا عُشَّاقاً تَتَـحَوَّلْ
تتقافزُ كالقِرَدةِ عِشْقَاً وَ تَـمُوتُ هَيَاماً وَ تُوَلْوِلْ
لُمِّي أشياءَكِ و ارتَـحِلِي بَحثاً عن آخرَ قَدْ يَقْبَلْ
أمَّـــايَ .. فلا ثَمَنٌ عِنْدَكِ تَقْبَلُهُ يدايَ لِتَتَكَبَّلْ
إن كان غرامُكِ لِي نَبْعَاً فَنِسَاءُ الدنيا لي مَنْهَلْ
وَ الجدولُ مُكْتَظٌّ جِدَّاً بِكَثِيرٍ مِثْلِكِ بَلْ أجمَلْ

فانطردي الآن من الجدول

غِيبِي وَ تَمَادَيْ في جَهْلٍ فأنا لا أعشقُ مَنْ يَجْهَلْ
إني بَحَّارٌ تَرْفُضُنِي كُلُّ الشُطْآنِ فَأَتَنَقَّلْ
اِعتدتُ السفرَ على مَضَضٍ وَ قَضَيْتُ حياتي أَتَجَوَّلْ
أرتشفُ بلاداً ونساءً فَهُنـا عَسَلٌ وهُنا حَنْظَلْ
و هنا عِشْتُ كَلِصٍ نَذْلٍ وَ هُنَا كُنْتُ نَبِيَّاً يُرْسَلْ
و هنا ذَبَحُوا شِعري عَمْدا وهنا شعري صارَ يُرَتَّلْ
وأنا والغُربةُ ما زِلْنَا نبحثُ عن وطنٍ لِنُظَلَّلْ
صادقتُ الغُربةَ في الغربةِ وقضيتُ سنيناً أَتَعَلَّلْ
بَرَّرْتُ جميعَ حماقاتي وَ ظَنَنْتُ بأني أتَجَمَّلْ
اليومَ أُزِيلُ عباءاتي وَ أُكَشِّفُ عن وجهي الأَوْحَلْ
مَلِّي عينيكِ بِلاَ خَجَلٍ فأنا الـمَوحولُ ولا أخجلْ
أَغْرَتْنِي أحلامُ الصِّبْيَةِ فَعَدَوْتُ إلى حُلْمِي الأمْثَلْ
وَ بدأتُ السفرَ بلا زادٍ وظننتُ بأني أتعجَّلْ
وَ نسيتُ اللهَ.. فأَهْمَلَنِي مَنْ ينسَى اللهَ وَ لا يُهْمَلْ ؟
حُمِّلْتُ بأثقالِ الدُّنيا أهربُ مِنْ ثِقْلٍ للأثقَلْ
و التفَّتْ طُرُقِي مِنْ حَوْلِي واختلطَ الأَقْصَرُ بالأَطْوَلْ
واخْتَلَطَتْ أحْرُفُ لافِتَتِي فَوَقَفْتُ مَكَاني كالأخْطَلْ
لَمْ أُسْطِعْ أن أُكْمِلَ سَيْرِي فجلستُ وحيداً أَتَسَوَّلْ
وَ بَنَيْتُ مَزَاراً وَ مَبِيتاً لا يَصْلُحُ إلاَّ لَلثُّمَّلْ
وَ قضيتُ حياةً واهِنَةً لا تَسْوَى في نَظَرِي خَرْدَلْ
فَعَلامَ تُرِيدِينَ بُكَائِي ؟ وَ أنا ذو قلبٍ مُسْتَعْمَلْ
أَبْلاَهُ الماضي لم يَتْرُكْ شيئاً لِبَلاءِ الـمُستقبَلْ

لا تَتَّهِمِينِي في عِشقِي فأنا أعشقُ حتَّى أُنْحَلْ
والجملُ وإن يعطشْ يصبِرْ وَ كَفِعْلِ الجَّمَلِ أنا أفعَلْ
أَهْلِكْتُ شَبابي وسنيني فَرَمَتْ بِي في صفِّ الكُهَّلْ
وَ وقفتُ بعيداً لأشاهدَ قصةَ عُمرِي وهِيَ تُمَثَّلْ
رفعوا خنجرَهم ودموعي لم تجعلْ أحداً يَتَمَهَّلْ
والتهبَ المسرحُ تصفيقاً وأنا أُطْعَنُ وأنا أُقْتَلْ
فَعَلامَ تظنينَ بِأنِّي آتٍ مِحْرابَكِ أتَبَتَّلْ ؟؟
دَوْرُكِ في الـمَشْهَدِ فَرْعِيٌّ بِوُجُودِكِ أو دُونَكِ يَكْمَلْ
وَكِلانا مكتوفُ الأيدي وَ سِتارُ المسرحِ لا يُسْدَلْ
والـحُكْمُ الصادِرُ في أمرِي حُكْمٌ فَصْلٌ لا يَتَأَجَّلْ
فدعيني في موتي وَحْدِي فأنا والغُربةُ لا نُفْصَلْ
ما دامَ الوطنُ بلا شيءٍ فالموتُ على شيءٍ أفضلْ

فانطردي الآن من الجدول


كلمات قصيده جحا

" شعور سخيف
إنك تحس بإن وطنك شيء ضعيف
صوتك ضعيف
رأيك ضعيف
إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف
سألوا جحا عن سر ضحكه
قالك أصل اتنين وشبكو اللى كان من تحت ميت واللى كان من فوق كفيف
دا شعور سخيف
وشعور سخيف
إنك تكون رمز الشحاتة
تبنى مبنى للشحاتة
تعمل وزراة للشحاتة
يا ساقية دورى
عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت
أنا اللى صاحب البيت عايش بدون لازمة ولما مرة شكيت إدونى بالجزمة
مش لاقى تطفح اديك
هاتولنا وجبولنا وادونا ودولنا
هنجيب منين نديك
طافح يابلدى غدايا
ولوعتى غدايا
وادىالاحبه التقى عدايا

أنا اللى زارعك دهب بتأكلينى سباخ
إن كان دة تقل ودلع بزيادة دلعك باخ
لا شفت فيكى هنا ولا شفت فيكى ترف
كل اللى فيكى قرف
كرامتنا متهانة
واللقمة بإهانة
بتخلفينا ليه لما انتى كارهانا
يعنى ايه تبقى إنتى هبة النيل يا مزة
وكل يوم المية تقطع
يعنى ايه لما اشتكى غلو الفاتورة
يقولو تشكى بس تدفع
لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمك ما يلاقيش يآكل فيطفش
يعنى ايه نرفع ايدينا بالسلام لجل الغزاة
ويعنى ايه لما ابقى ماشى فى حالى اتشد اشتباه
يعنى ايه لما اتحبس أربع سنين حبس احتياطى حبس اعتباطى
يعنى ايه مش حاسة بالعمر وغلاوته
بتصبى مر العمر ليه
دة انا كنت ح اوهب لك حلاوته
أنا عمرى ما أتأمرت
ولا حطيت شروطى
ومكان ما ترسى مركبك بابنى شطوطى
ا نا كنت جيشك لما مماليلك باعوكى
وكنت يوسف لما عشتى سنين عجاف
وضلوعى دى اللى فى معركة قادش حموكى
وشفايفى دى اللى ما بطلتش فى يوم هتاف
دة انا كل شبر فى أرضك اتمرمغت فيه
وكل يوم عشتيه أنا اتغذبت بيه
بتكرهينى عيونك السودة وأيامى اللى فاتت
مانتيش حبيبيتى من النهاردة
حبيبتى ماتت
علا صوت أدانك جرس فى الشدة صاحينلك
من امتى كانوا الحرس هما اللى باقينلك
بعتينى علشانهم وعنيكى معصوبة
ياهلترى خاينة ولا زيى مغصوبة
كل الكلام اتقال والشعر بقى ماسخ
والصبر علو جبال والظلم شىء راسخ
وطن وغرقان فى النطاعة
كل شىء ريحته نطاعة
علمونا بالعصاية ورضعونا الخوف رضاعة
علمونا فى المدارس يعنى ايه كلمة قيام
علمونا نخاف من الناظر فيتمنع الكلام
علمونا ازاى نخاف وازاى نكش بس نسيوا يعلمونا الاحترام
فمتزعلوش لما ابقى مش باسمع كلامكم
وماتزعلوش لما ابقى خارج عن النظام
مستنى ايه من طفل ربوه بالزعاق؟
غير المشاكل والخناق
كل اللى بيقولك بحبك دول نفاق
أنا لما قلت لك بحبك كان نفاق
الحب يعنى اتين بيدوا
مش ايد بتبنى وستميت تيت تيت يهدو
الحب حالة الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين هما ليه بقوا مسجونين
يعنى أعيش علشان هدف علشان رسالة
يعنى احس بقيمتى فيكى
إنى مش عايش عوالة
يعنى لما اعرق تكافئيى بعدالة
الحب حالة الحب مش شعر وقوالة
الحب حاجة ما تتوجدش فى وسط ناس بتجيب غداها من صناديق الزبالة
بارت مراعينا
والبئر قد جفَ
والجوع يكوينا
والصبر ما كّفى
والقلب لا يهدا
والجرح لا يشفى
ولأننا طوع زنا لهم خفا
جاءوا بموكبهم
واشتغلت الزفة
الدفة مظبوطة وأصلا مافيش دفة
والكفة مش مايلة علشان مافيش كفة
و جحا اللى جاى بالليل
لساه بيتخفى
شايف ديدان الغيط
سارحة ومارحماشى
من جبنه شاف الدود سابه وراح ماشى
ولا اتكسف للناس ولا حس على طوله
الناس عشمها كبير جريوا بيشكوله
ضحك جحا ضحكة مواشى
مادام بعيد عن طينى ... ماشى
الدود قاعد لك يا جحا ولابد فى طينك
بعد ما يمص فى دمانا مش حيحلاله الا طينك
احنا اهلك احنا رجالتك أمانك
إحنا وقت الشدة سندك إحنا زادك
يا جحا احمى ولادك
لو كنت عايز تحمى طينك
سوف أرحل ربما يلقانى من ارجو لقاه
هامشى ويا الشحاتين وابكى على حلمى اللى تاه
بس مش هاشحت رغيف
هاشحت وطن لله "

---------------------


قصيدة البغبغان

كان يوم مَطَر ..
البغبغان جُوَّا القَفَص طَلَّع لِسانُه لعصفورين فوق الشجر ..
خَلِّيكو سايقين العناد ..
العِشّ قاد ..
وخسِرتُو ويَّاه الولاد .. لَـمَّا انفَجَر ..
هو انتو حِمْل السِيل ؟؟ ولا حِمْل المطر ؟؟
كان فيها إيه لو تِعْمِلُوا زيِّي وتقولوا زَيّ ما يقول البَشَر ؟؟..

ردُّوا علِيه العصفورين : لَوْ عَ الوِلاَد .. البَطْن ولاَّدة ..
والعِشّ مَهْمَا يقِيد ..
صخر الجبل عَنَاقِيد ..
نِفْرِشْهَا سِجَّادة ..
وانتَ اللي فرحان بالقَفَـص ..
أصْلَـك ( قَفَص ) !!..
كَتَمُوا الهوا جُوَّاك و نَسُّوك ان ما بين الحياة والموت .. نَفَس

----

قصيده انسحبوا

انسحبوا
كان الاسلكى بعيد والعسكرى مسمعش
انسحبوا
شوفوا العجب يا ولاد العسكرى مرجعش
انسحبوا
اطرش دا ولا صنم
ارجع يا جندى بياده
دخل العدوا العريش ارجع خلاص بزياده
العسكرى سامع
لكنه واد مجدع
شال اربجيهه وضحك اشمعنا انا اللى ارجع
وقف الزمن مذهول ساعتين بيشاهد
الجندى قام كبر المدفع اتشاهد
الدبابات ظهرت
ارجع يا جندى نظام
دا كان كلام القياده
ودا برضوا وقت كلام
وقف الولد ددبان
ياساده يا سمعين
صادهم كما الدبان
محروس يا واد من العين
الدبابات صفين
اتفاجؤا وافترقوا
على كتفه كان مدفع
وعلى الجبين عرقه
غطاء العفار النار
ولا حد عاد شايف
والدبابات بتهل
ودا برضوا مش خايف
الضحكه على وشه متقولش بيصيف
ولسه الزمن واقف
مبسوط ومتكيف
الدبابات كترت
والكتره غلابه
والقلب لو مؤمن ولا الف دبابه
هتقولوا مات الولد
انا قولكم لاعاش
ما الجنه ولا فيها موت
ولا تدخل ببلاش
الرجوع الى أعلى الصفحة اذهب الى الأسفل
nadal
مشرف المنتدى العام
avatar






تاريخ التسجيل : 07/03/2011
عدد المساهمات : 208
بنك المنتدى لشراء الصلاحيات : 2411
العمر : 29

مُساهمةموضوع: رد: بشري لأهالي سوهاج عــامةً   الجمعة أبريل 01, 2011 8:28 am

بسم الله الرحمن الرحيم


السلام عليكم ورحمه الله
وبركاته مشكور على
هذه المشاركة الطيبة




جزاكم الله خير

_________________

الرجوع الى أعلى الصفحة اذهب الى الأسفل
scorpion
كبير الاداريين
كبير الاداريين
avatar





الفرقة : الرابعة
تاريخ التسجيل : 02/12/2010
عدد المساهمات : 296
بنك المنتدى لشراء الصلاحيات : 4680
العمر : 28

مُساهمةموضوع: رد: بشري لأهالي سوهاج عــامةً   الجمعة أبريل 01, 2011 10:58 am

ههههههههههههههههههههههههه

أيه ياعم محمد

طيب أرفع من روحي المعنوية شوية

مش لازم تحبطني كده

حسسني أني أول مرة أقول حاجة جديدة ياعم

ههههههههههههههههههه

عامةً أنا شوفت الإعلان يوم الخميس ف الكوثر ف قولت آجي أقوله هنا بقي

وعامةً ياعم أنا مش بقول علشان أقول حاجة جديدة

لا أنا عاوز حد يروح ويصور بقي ويرفعهالنا هنا

علشان ننفرد بالحصريات يا معلم

شوفت بقي

حاجة محدش فكر فيها قبل كده

علشان تعرف تحبطني بقي بعد كده

علي فكرة العيال بيسلموا عليك

كل شوية سلملنا علي عمو محمد

هههههههههههههههههههههههههههههههه



_________________
يارب يكون لي فيكي نصيب .. وأعيش العمر ف عنيكي وأكون ليكي دفا وحبيب .. يحققلك أمانيكي وأريح قلبك الغالي .. وأطمن قلبي علي حالي وأشيل منك ومني الخوف .. من الفرقة من التعذيب
يـــــــــــــــــــــ يكون لي فيكي نصيب ــــــــــــــــــــارب
إدعــــــــــــــولي
الرجوع الى أعلى الصفحة اذهب الى الأسفل
الزعيم حسام
المراقب العام
المراقب العام
avatar






تاريخ التسجيل : 24/01/2011
عدد المساهمات : 654
بنك المنتدى لشراء الصلاحيات : 8777
الموقع : الزعيـــــم حســــــــــ ـــــــــــــــ ـــــــام

مُساهمةموضوع: رد: بشري لأهالي سوهاج عــامةً   الجمعة أبريل 01, 2011 12:15 pm

هههههههههههههههههههههههههه

الاول سلملي عليهم الا بالحق هما شبهك اوعي يكونوا شبهك

هههههههههههههههههههههههه

متزعلشي ياعم بدحك معاك

وعلي العموم فكره جميله الي قلتها وبصفتك صاحب الفكره انا بقولك نفذ

هههههههههههههههههههههه

_________________

الرجوع الى أعلى الصفحة اذهب الى الأسفل
hanan
المشرف العام
المشرف العام





تاريخ التسجيل : 18/07/2010
عدد المساهمات : 213
بنك المنتدى لشراء الصلاحيات : 3651

مُساهمةموضوع: رد: بشري لأهالي سوهاج عــامةً   السبت أبريل 02, 2011 12:25 am

موضوع جميل
طيب انا اول مره اسمع الخبره ده يااستاذ حسام بجد والله
انا بشوف صوره في سوهاج بس مش مكتوب عليها حاجه
يلا بقي ياجماعه اللي يروح يصورلنا بجد
وشكرا خالص خالص يscorpion

انا بحب االشاعر هشام جدا
وبحب قصايده كلها وخاصه جحا وقصايد تاني كتير

_________________

الرجوع الى أعلى الصفحة اذهب الى الأسفل
الزعيم حسام
المراقب العام
المراقب العام
avatar






تاريخ التسجيل : 24/01/2011
عدد المساهمات : 654
بنك المنتدى لشراء الصلاحيات : 8777
الموقع : الزعيـــــم حســــــــــ ـــــــــــــــ ـــــــام

مُساهمةموضوع: رد: بشري لأهالي سوهاج عــامةً   السبت أبريل 02, 2011 3:26 am

اوكي يا حنان ممكن بس انا كنت معتقد ان الكل عارفين الخبر وبصفتك بتحبي الشاعر الكبير هشام الجخ يبقي انتي بقي الي تصورلنا


اديكي دبستي نفسك
بدال ابو حميد يالا ياعم مش انت الي هتصور ابسط

_________________

الرجوع الى أعلى الصفحة اذهب الى الأسفل
scorpion
كبير الاداريين
كبير الاداريين
avatar





الفرقة : الرابعة
تاريخ التسجيل : 02/12/2010
عدد المساهمات : 296
بنك المنتدى لشراء الصلاحيات : 4680
العمر : 28

مُساهمةموضوع: رد: بشري لأهالي سوهاج عــامةً   السبت أبريل 02, 2011 5:07 am

هههههههههههههههههههههههههههههههههههههههههههههههه

والنبي

وهو أنت كنت عاوزني أنا اللي أصور

أنا بقول للناس اللي قاعدة ف سوهاج

وبما أني معرفش غيرك هنا قاعد ف سوهاج يبقي همتك معانا بقي يا معلم

أنا أفتكرتك هتقول أنا هتطوع وهروح أول واحد وهصورلكم حتي إن شالله القاعة وهي فاضية

وأنا لو كان ينفع كنت هروح وربنا أول واحد

بس للأسف دي بالليل ويوم الإثنين كمان يعني مش هينفع أساساً لو كانت يوم الأربعاء أو الخميس كنت هروح بس للأسف بقي


ومتشكر جداً يا حنان

وفعلاً هشام محبوب من الناس كلها

ربنا يوفقه

ولو حبيتي تروحي وتصوري مفيش مشاكل يعني برضو

بس ياريت متقوليش بعد الجملة الأخيرة دي إنك مبقتيش تحبيه

عامةً أي حد من سوهاج هيروح ويصور يقولنا أنه هيروح ويصور


_________________
يارب يكون لي فيكي نصيب .. وأعيش العمر ف عنيكي وأكون ليكي دفا وحبيب .. يحققلك أمانيكي وأريح قلبك الغالي .. وأطمن قلبي علي حالي وأشيل منك ومني الخوف .. من الفرقة من التعذيب
يـــــــــــــــــــــ يكون لي فيكي نصيب ــــــــــــــــــــارب
إدعــــــــــــــولي
الرجوع الى أعلى الصفحة اذهب الى الأسفل
hanan
المشرف العام
المشرف العام





تاريخ التسجيل : 18/07/2010
عدد المساهمات : 213
بنك المنتدى لشراء الصلاحيات : 3651

مُساهمةموضوع: رد: بشري لأهالي سوهاج عــامةً   الأحد أبريل 03, 2011 7:05 am

هههههههههههههههههههههههههههههههههههه
دا تدبيسه جامده اوي
انا قلت اني انا بحبه وبحب قصايده
مش بحب التصوير
ومش بحب اصور حد علشان تصوير حرام
ههههههههههههههههه

_________________

الرجوع الى أعلى الصفحة اذهب الى الأسفل
hanan
المشرف العام
المشرف العام





تاريخ التسجيل : 18/07/2010
عدد المساهمات : 213
بنك المنتدى لشراء الصلاحيات : 3651

مُساهمةموضوع: رد: بشري لأهالي سوهاج عــامةً   الثلاثاء أبريل 05, 2011 11:27 am

هشام الجخ في سوهاجالسلام عليكم ورحمه الله وبركاته
ازيكم ياجماعه عاملين ايه يارب تكونوا بخير


بما اني انا مش بحب التصوير زي ماقلتلكم
قدرت اجمع فيديو لهشام الجخ في سوهاج من اليوتيوب
وجبتهلكم اهوه ياجماعه
بس كبير اوي
يلا اتفرجوا وادعو للي صور وادعولي اني نقلتهلكم برضه

وشكرا لكم

_________________

الرجوع الى أعلى الصفحة اذهب الى الأسفل
hanan
المشرف العام
المشرف العام





تاريخ التسجيل : 18/07/2010
عدد المساهمات : 213
بنك المنتدى لشراء الصلاحيات : 3651

مُساهمةموضوع: رد: بشري لأهالي سوهاج عــامةً   الثلاثاء أبريل 05, 2011 11:29 am


_________________

الرجوع الى أعلى الصفحة اذهب الى الأسفل
 
بشري لأهالي سوهاج عــامةً
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الخدمة الاجتماعية بسوهاج :: المنتدى العام :: منتدى الموضوعات العامة-
انتقل الى: