منتدى الخدمة الاجتماعية بسوهاج

 
الرئيسيةالبوابةبحـثالتسجيلدخولتعليمات

شاطر | 
 

 أنتي متزوجة ولا مرتبطه؟؟؟؟؟؟؟؟

اذهب الى الأسفل 
كاتب الموضوعرسالة
hanan
المشرف العام
المشرف العام





تاريخ التسجيل : 18/07/2010
عدد المساهمات : 213
بنك المنتدى لشراء الصلاحيات : 3651

مُساهمةموضوع: أنتي متزوجة ولا مرتبطه؟؟؟؟؟؟؟؟   الخميس يوليو 07, 2011 5:06 pm

السلام عليكم ورحمه الله وبركاته

الموضوع جميييييل جدا جدا حبيت انقله لكم من بريدي الخاص والمقال علي جزءين يارب تعجبكم وتفيدكم حتي ولو بشيء بسيط

انا من وجهه نظري كلمه مرتبطه ديه بالبلدي كده مش بتنزلي من زور وبتخنق لما بسمعها لاني الغالبيه العظمي فين وفين لما يكونوا
بجد مرتبطين ومشوار حياتهم يكمل ويتجوزو
فيه اشخاص كتير ليهم ردود تنرفز جدا

يقولك مثلا اهوه الواحد كان بيتسلي ايام الجامعه

واحد تاني يقولك والله انا كنت عاوزها بس الظروف
تالت يقولك اصلي اهلي رفضوا

طييييييييييب ده كله من الاول ليه حصل ؟؟؟؟؟؟؟ ولا انت وهي كنتوا عايشين في غيبوبه او بتحلموا
انا شوفت كذا موقف قدامي يبقوا بيكلموا بعض ليهم سنتين وعارفين بعض وبعدان تلاقي كل واحد ساب التاني

وتلاقي ان الغالبيه العظمي من الشباب يقولك ياعم انا مشيت معاها وكلمتها وهي كلمتني ازاي بعد كده هتحرص بيتي وتبقي عندها امانه انها ماتكلمش حد غيري

حاجه غرييييييبه فعلا مش عارفه
معلش انا طولت عليكم في كلامي الكتييييييير ده اقرءوا المقاله بقي وقولولي رأيكم بصراحه جدا ...........


الموضوع هو........................


انتي متزوجه ولا مرتبطه ؟؟؟؟؟؟؟؟؟؟؟؟


لا مرتبطه ؟؟؟؟؟؟؟

مرتبطه ونحط تحت الكلمه ديه ملييييييييييييييون خط
*♥♥**♥♥**♥♥*

للى مش عارف معنى الكلمة ..أحب أوضح أكتر..

كلمة مرتبطة معناها
إن البنت ببساطة بتعرف شاب غالباُ بيكون فى السر
و بيكون بينهم ما يسمى بعلاقة عاطفية

و ممكن يتقابلوا و يخرجوا كمان..
اه عادى و ماله


و ايه المشكلة لما تتقابل بنت مع ولد و يخرجوا؟


إذا كانت مش عاملة حساب لربنا ..
حتعمل حساب لأهلها؟؟
*♥♥**♥♥**♥♥*

انا ليه شايفك منزعجة من كلامى؟
هو انا بقول حاجة غلط لا سامح الله؟

آآآه انتى مافهمتيش قصدى ايه لما قلت مش عاملة حساب لربنا صح؟

طيب أنا حوضحلك
*♥♥**♥♥**♥♥*


هو انتى لما تقابلى أو تعرفى شاب فى السر من ورا أهلك ده يبقى حلال و لا حرام؟

مش عاوزة تردى عليا؟

تحبى أرد عليكى انا؟

حرد عليكى و لكن بكلام ربنا اللى شايفك و مضطلع على كل افعالك

قال تعالي : بَعْضُكُمْ مِنْ بَعْضٍ فَانْكِحُوهُنَّ بِإِذْنِ أَهْلِهِنَّ وَآتُوهُنَّ أُجُورَهُنَّ بِالْمَعْرُوفِ مُحْصَنَاتٍ غَيْرَ مُسَافِحَاتٍ وَلَا مُتَّخِذَاتِ أَخْدَانٍ...
(إلى أخر الآية فى سورة
النساء:25)
..عرفتى الرد؟

*♥♥**♥♥**♥♥*

المسافحات يعنى اللى بيرتكبوا فاحشة الزنا

و كلمة متخذات أخدان يعنى ليهم أخلاء (حبيب) فى السر.. يعنى بتعرف شاب فى السر من ورا أهلها

يعنى ربنا قال على النساء المؤمنات انهم محصنات علشان مش بيعملوا سفاح و لا بيتخذوا أخدان..

عرفتى حجم الغلط بتاعك قد ايه؟
*♥♥**♥♥**♥♥*

طيب انتى قريتى كلام ربنا فى الآية الكريمة

قال تعالي : وَلَا تَقْرَبُوا الزِّنَا إِنَّهُ كَانَ فَاحِشَةً وَسَاءَ سَبِيلًا ﴿الإسراء: ٣٢﴾

لاحظى هنا إن ربنا مثلاً لم يقل لا تزنوا... لا ده قال وَلَا تَقْرَبُوا الزِّنَا

*♥♥**♥♥**♥♥*

ده يعنى ايه؟؟

يعنى نبعد عن الأسباب اللى تؤدى إلى الزنا علشان لا نقع فى الزنا

طيب يا ترى ايه الأسباب اللى تخالينا نقع فى الزنا؟؟

أفندم؟؟ انتى حتعملى نفسك مش عارفة؟

هو انتى بتعملى ايه زيادة عن اللى مكتوب؟

*♥♥**♥♥**♥♥*

أيوة طبعا حضرتك لما بتكلمى شاب و بتعرفيه فى السر و بينكم ما يسمى بعلاقة عاطفية

مش بتخضعى فى القول ؟
يعنى بتتكلمى بدلع معاه...
ما تنكريش و خالليكى صريحة مع نفسك

و لما يسمع صوتك و انتى بتدلعى بيطمع فيكى و زى ما ربنا قال

قال تعالي : فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَعْرُوفًا

*♥♥**♥♥**♥♥*

تعرفى يطمع فيكى يعنى ايه؟ يعنى شهوته تقوم عليكى لانك بتشجعيه على كده

طبعا كلامى نرفزك و بتقولى فى نفسك ايه الكلام ده و انت ازاى تكلمنى كده؟؟

إهدى بس شوية و اسمعينى لحد الآخر و ماتكابريش ..الجرح لما حد بيلمسه.. بيؤلم

*♥♥**♥♥**♥♥*

لما بتخرجوا مع بعض مش بيحاول يمسك إيدك ؟

طبعا فى مناسبات كتير لكده..بيعديكى الشارع مثلا؟

هااا.. حصل مش كده؟

كل اللى بقوله ده و مش شايفة أى أسباب تدعو للزنا فى المستقبل؟

*♥♥**♥♥**♥♥*

ده حتى الحكمة بتقول نظرة..فابتسامة..فموعد..فلقاء

مش ماسكة إيد و كلام بدلع؟؟!!


لما بتخرجوا مع بعض مش بيحاول يمسك إيدك ؟

طبعا فى مناسبات كتير لكده..بيعديكى الشارع مثلا؟

هااا.. حصل مش كده؟

كل اللى بقوله ده و مش شايفة أى أسباب تدعو للزنا فى المستقبل؟

*♥♥**♥♥**♥♥*


طيب تعالى بقة نجمع الكلام كده و نلخصه و نبص للصورة من بعيد

فى الجزء الثاني للمقالة ان شاء الله


المقاله جمييييييييييله جدا حبيييت انقلهالكم يارب تعجبكم وتستفادوا منها

وشكرا لكم






لااله الاالله
سيدنا وحبيبنا محمد رسول الله

_________________

الرجوع الى أعلى الصفحة اذهب الى الأسفل
هاله
أخصائي اجتماعي
avatar


تاريخ التسجيل : 29/06/2011
عدد المساهمات : 20
بنك المنتدى لشراء الصلاحيات : 227

مُساهمةموضوع: رد: أنتي متزوجة ولا مرتبطه؟؟؟؟؟؟؟؟   السبت يوليو 09, 2011 3:09 am

بجد مقاله جميله جدا جزاك الله خيرا
الرجوع الى أعلى الصفحة اذهب الى الأسفل
 
أنتي متزوجة ولا مرتبطه؟؟؟؟؟؟؟؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الخدمة الاجتماعية بسوهاج :: المنتدى العام :: منتدى الموضوعات العامة-
انتقل الى: