الواد نطق قبل أوانه + الحلقة الأولى ( عمليات التجميل )

الواد نطق قبل أوانه

الحلقة الأولى ( عمليات التجميل )

انتى يا ست هانم قومى ردى عليا ما تعمليش نفسك نايمة
عايز ايه يا اشرف
قومى يا هانم كلمينى زى ما باكلمك
ادينى قومت عايز ايه بقى
فين الشرابات النضيفه يا ست هانم
يعنى انت مصحينى من احلاها نومه علشان تسألنى عن شراباتك
امال اسأل مين امى يعنى
يا اخى حرام عليك ده انا ما باصدق اتخمد
و انا مالى بالكلام الفارغ ده كله

اصطبحنا و اصطبح الملك لله . هانبتدى خناقة كل يوم الصبح .
حد يقولى اعمل ايه فى الناس دى طيب

مالك ايه مش ابنك ده اللى سهرانه طول الليل بسببه و ما صدقت لسه نايم من ساعتين

و مادام انتى عارفه انى لسه متنيل نايم من ساعتين
مش تخلى عندك دم و تاخديه و تطلعوا تتخانقوا بره

اه صحيح قبل ما انسى احب اعرفكم بنفسى
انا ادم ابن اشرف و مها و كلها يومين و اكمل 9 شهور بالظبط ان شاء الله

انتى عايزة تجننينى . ما كل الستات بتخلف و بتعرف تاخد بالها من جوزها كويس
و لا هى اللى تخلف تتطلق بقى

و الله يبقى احسن

هو ايه اللى احسن يا ست مها

يا نهار ابيض معلش يا جماعه مضطر اسكتهم
لحسن الموضوع شكله هايكبر

انا اسف على الازعاج اللى هاعمله لكم بس غصب عنى و الله

عاجبك كده اديك صحيت الولد
انا برضه اللى صحيته و لا صوتك هو اللى صحاه

يا اخى حرام عليك بقى . معلش يا ميدو يا حبيبى حقك عليا انا يا قلبى
نام يا روح مامى خلاص
الحمد لله الخطة جابت نتيجة اكمل نومى بقى

فاتت ساعه و اتنين و تلاته و ادم نايم و مها صحيت تخلص اللى وراها

استغفر الله العظيم يا رب
يعنى لازم اعمل بى بى دلوقتى

حبكت بعد النوم ما حلى فى عينى
و كنت باحلم انى باكمل حلقة توم و جيرى اللى مالحقتش اكملها
بسبب الماتش الزفت بتاع امبارح ده

انا لازم بعد ما اكبر احوش و اجيب تليفزيون

اه مش قادر طب امسك نفسى ازاى بس
يالا بقى ما بدهاش ما انتوا مش غرب . بس اللى بيقرف يطلع بره

ايه ده ماما مش فى الاوضه . معلش مضطر ازعجكم تانى
علشان تيجي تغير لى . اصل بعيد عنكم ما باستحملش التسلخات

لامؤاخذه ما انتوا كنتوا عيال و فاهمين بقى

ايوه يا ادم جايالك يا حبيبى
ايه ده دى جايه ترضعنى
يا ادم ارضع بقى ما تغلبنيش ورايا شغل كتير

طب افهمها ازاى دى يا ستى انا مبلول .
حد يقولى اقولها لها ازاى طب اعيط اكتر يمكن تفهم

مالك بس يا حبيبى . بطل عياط و ارضع يا بابا

يالهوى على دى وليه . انا مش جعان أنا مبلول يا حاجة

على فكرة انا ناوى لما اكبر اخترع بامبرز بيصفر اول ما يتبل

طب اعمل لك ايه . انت عندك مغص و لا ايه

يا نهار اسود دى بتسألنى . ارد عليها ازاى
طب و النبى اى حد ابن حلال فيكم يقولها . هاموت يا ناس

ورينى كده يا ميدو تكونش مبلول يا حبيبى
ايوه كده . اخيرا فهمتنى
غيرت البامبرز . انام شوية بقى

وللحديث بقية

ههههههههههههههههههههههههههههه
والله جميله بارك الله فيك

» الحلقة الثالثة من كرسي الاعتراف مـــع nadal
» جدول امتحان الفرقة الأولى عالي للفصل الدراسي الأول دور يناير 2011/ 2012م
» جدول امتحان الفرقة الأولى عالي للفصل الدراسي الأول دور يناير 2011/ 2012م
» مسلسل ابو جانتي ملك التاكسي بجوده عاليه ومتجدد باستمرار تم اضافة الحلقة الأخيرة
» جدول امتحان الفرقة الأولى المتوسط والثانية المتوسط للفصل الدراسي الأول دور يناير 2011/ 2012م