أرجو الدخول للأهميه ..!!!!!

السلام عليكم ورحمه الله وبركاته

زميلاتي وزملائي الاعزاء...........
أنا حبيت ادخل في الموضوع عالطول وهو
تغير مسمي المعهد العالي للخدمه الاجتماعيه بسوهاج اِلي كليه الخدمه الاجتماعيه بسوهاج
..................
حكايه انه مافيش فرق بين المعهد والكليه ده والله كلام بنقوله علشان نضحك علي روحنا بيه
اللي ليه حد متخرج الدفعه اللي فاتت يساله ؟
لما جيت تقدم لشغل في الاداره بشهادتك قالولك ايه ؟
لم نزل في الاداره طالبين اخصائيين اجتماعيين أول حاجه بيبص في شهاده البكالوريوس
يقرا اللي مكتوب عليها من فوق معهد ولا كليه
ناس كتير هتقول الكلام ده مش بيفرق المهم التقدير لكن لا والله وبكسر الهاء

واحده صاحبتي من دفعه سنه رابعه لم نزل شغل في الاداره وراحت تقدم
قالها لا اصلي جاي في التعيين خريجي كليه خدمه اجتماعيه
يعني معني الكلام اننا بنتركن علي جنب واحنا طالع عنينا طول السنه في المحاضرات والمزاكره يعني حرام ده وظلم كمان
ان شاءالله احنا لو قلنا وجهت نظرنا اننا نغير ويتسمع مننا يمكن وزير التعليم العالي يغيره ويبقي كليه خدمه اجتماعيه سوهاج
بدال مااحنا بنسمع كلام ومسميات غريبه علي المعهد مع اني شايفاه والله كويس جدا ودكاترته زي الفل وبتشرح كمان
ناس كتير بستهزء بالمعهد وبالناس اللي في المعهد خلينا نغير ونحاول مره والثانيه

عاوزه مشاركتكم بجد وكل واحد يقول رأيه فعلا وبكل صراحه
وشكرا لكم

مساء الخير يا أستاذه حنان
ها خش في الموضوع على طول معلش
هي الفكرة اقترحت في معهد الخدمة الاجتماعية بأسوان وماتعملتش
احنا عايزين ناس تتحرك عشان الكل يتحرك وتبقى جميع المعاهد في مصر كليات

نظرة المجتمع مش كويسة هي الأهم احنا عايزين نغير النظرة برفع مجموع القبول للمعهد وبعدين نفكر ازاي تبقى كلية الواحد فينا حتى لو تعين بردوا يقولوا فاشل
يا قلولوا يا أبو معهد مش أكبر حرام
والله الواحد لو اتكل على المعهد والله ينتحر أحسن .
بلاش تدوسوا على الجرح كفانا ما سمعناه

بارك الله فيك وجزاك الله خيرا

والف شكر علي وجه نظرك
وفكره كويسه حكايه رفع مجموع القبول ديه برضه

ربنا يصلح الحال يارب

قكرة جميلة جداً مفيهاش كلام

دلوقتي الواحد بيسمع كلام كتير ف المعهد دا زي ما قال أستاذ محمد بالظبط

ويمكن أكتر من الكلام دا وربنا

أنا سمعت كتير جداااااااااً بلاوي سوودا وربنا

أنا المفروض أني أتخرجت السنة اللي فاتت دي

بس طبعاً لظروف المعهد عندنا وبلاش أتكلم أكتر من كده ونمشيها ظروف

نزلت سنة

أصحابي اللي إتخرجوا السنة اللي فاتت

لحد دلوقتي مشتغلوش

ليه علشان هما معهد مش كلية

للأسف دلوقتي كله بيشوف الظاهر

بمعني تبقي في معهد بس طالع بتقدير

غير ما تبقي ف كلية وطالع بمقبول

هيفضلوا مين ؟؟

والله هيفضلوا الكلية وهيرموا بتاع المعهد

هتسأله ليه

هيقولك علشان أنت معهد يا حبيبي

ومحدش هيتكلم معاه

دا علي أساس إن اللي معاه معهد دا كافر مش مصري مش من حقه يشتغل

متعرفلهمش حاجات غريبة بجد

بارك الله فيك
وجزاك الله خيرا

وهي ديه النقطه اللي باتكلم فيها ان كله بيتريق علي اسم المعهد
مع انه ممكن التدريس اللي بناخده في المعهد والله مش بتاخده كليه تانيه
والحاجه اللي اللي اكدتلي الكلام ده
ان في كليه اسوان والله الطلبه اللي بتجري ورا الدكاتره علي الشرح والمحاضرات
لكن احنا دكاترتنا والله زي الفل وبتشرح كتير بس احنا اللي بنتبتر علي النعمه

نقطه كويسه للاستاذ محمد اننا نقول مثلا يبقي يرفعوا درجه القبول
بدال ماكل اللي مش جايب مجموع يقولك خلاص انت اخرك خدمه اجتماعيه
طيب ليه الاستهزاء
هي مهنه كويسه والله العظيم
بس سبحان الله

يلا ربنا يهدينا جميعا ويتصلح حالنا وحال بلدنا يارب

وحضرتك scorpionربنا يعديها ان شاءالله وتصلح الحال في المعهد يارب
وكلنا ننجح ونطلع علي خير

» أرجو المساعدة العاجله
» طرق أبليس لأغواء المؤمن أرجو قراءتها !!!!!
» هام جدا جدا جدا جدا للمسلمين( ارجو الدخول الفوري)
» برجاء الدخول ( دعوة للثنائية)
» هام جدا للمشرفين والاعضاي ارجوا الدخول للاهمية