تاني حلقات كرسي الإعتراف مع hanan

السلام عليكم ورحمه الله وبركاته

دا الموضوع التاني

أو ممكن نقول التدبيسة التانية في القسم كله

طبعاً عرفنا مين اللي معانا

الأستاذة والمشرفة

hanan

أتفضلي بقي أعملي تسجيل دخول هنا

لحد ما نجيبلك شوية أسئلة كده يعني

بتاع 550 سؤال كده حاجة مبدئيه يعني متقلقيش

فـــــتــــحــــت الــــجــــلــــســـة

وعليكم السلام ورحمه الله وبركاته

هههههههههههههههههههه
550 سؤال

طيب نقول يارب

ههههههههههههههههههههههههه

يارب ف كل وقت طبعاً

علي فكرة 550 سؤال دول حاجة مبدئيه كده يعني مش كل الأسئلة

نبدأ بقي

ونقول يارب

الأسئــــــــــــــلة

هتبقي أول حاجة شوية أسئلة كده خاصة بالمعهد عندنا وبعدها ندخل ف الأسئلة العامة

1- بتروحي المعهد بإستمرار ولا لأ ..؟؟

2- أيه أكتر حاجة بتحبيها في المعهد ..؟؟

3- أيه أكتر حاجة بتكرهيها في المعهد ..؟؟

4- مين أكتر دكتور بتحترميه في المعهد ..؟؟

5- مين أكتر دكتور مش بتطيقي تسمعي أسمه أساساً ..؟؟

مع العلم أنك لازم تجاوبي وبكل صراحة وخاصة السؤال دا

قمة الإحراج يعني

لأ ليكي حرية الإجابة ف السؤال دا بس علي فكرة الباقي إجباري

6- بتشتري الكتب في المعهد ولا بتعملي زي الـ 98% من طلاب المعهد ومش بتشتريه ..؟؟

7- بتحضري محاضرات ولا زي الـ 98% هما هما بتوع السؤال اللي فات ومش بتحضري ..؟؟

8- دخلتي المعهد دا بإرادتك ولا كان بإرادة شبح الثانوية العامة سوري أقصد مجموع الثانوية العامة ..؟؟

9- بتحبي المعهد ولا زي الـ 100% من طلاب المعهد ..؟؟

10- أيه الحاجة الناقصة اللي ف المعهد وتتمني إنها تبقي موجودة ؟؟

11- وأيه الحاجة اللي مش عاوزاها في المعهد وحاسة إن ملهاش قيمة ..؟؟

12- أيه إحساسك وأنتي رايحه المعهد بتاعنا ..؟؟

13- أيه إحساسك وأنتي خارجه من نفس المعهد بتاعنا برضو ..؟؟

14- أيه إحساسك في يوم أجازة المعهد ..؟؟

15- أيه إحساسك لما وصلتي للفرقة الرابعة ..؟؟

16- أيه إحساسك لما تمسكي شهادة التخرج أخيراً ..؟؟

17- أخدتي الـ 4 سنين بتوع المعهد كاملين ولا في سنة زيادة في النص ..؟؟

بالعربي كده نزلتي في سنة ولا لا - لا قدر الله يعني ؟؟

18- لو أخدتيهم ف 4 سنين بس حاولي توصفي إحساسك لو كان حصل العكس - وبرضو لو كنتي أخدتيهم في أكتر من 4 سنين أوصفيلنا إحساسك ..؟؟

19- مبني 7 اللي بره المعهد دا أيه رأيك فيه ليه لزمة ولا لأ ..؟؟

20- أنتي من رأيك أن مثلاً لو بنت من المنيا علي سبيل المثال تيجي المعهد يومياً علشان تحضر محاضرات دا ليه لزمة ولا تنصحيها بأنها تقعد في البيت أحسن ولا تيجي ...؟؟

وبكده أنا مش عارف إذا كنت خلصت الأسئلة اللي تخص المعهد ولا لسه

هفكرلك شوية في أسئلة تخص المعهد ولو ملقتش لا قدر الله

هدخل في القسم التاني من الأسئلة واللي هي الأسئلة العامة

جاوبي علي دول بقي لحد ما أفكرلك ف شوية أسئلة

نصيحة متدعيش عليا

1- دائما بقصر بس لما اكون تعبانه او فيه ظروف
2-أني بشوف صحباتي
3-الالفاظ اللي بسمعها سواء البنات أو الاولاد
4-الدكتوره عطيات والدكتوره ايمان
الدكتور محمد عبدالحميد والدكتور الدماطي والدكتور علي نصار
5-بلاش احسن خليها في نفسي
6-من أول يوم باشتريها
7-كل المحاضرات باحضرها عالطول
8-لا من الاستاذه الثانويه العامه
9-انا الاول كنت بكره المهنه من اللي شايفاه من الناس ونظرتهم علي المهنه
لكن لما اتعمقت فيه لقيتها احسن من مهن كتير بس لو استغلناها صح ...لان الزمن ده مافيش حد بقي يسمع لحد والناس كلها مخنوقه فااخصائي الخدمه الاجتماعيه هو الشخص الفادر علي ان يمليء السعااده وينشرها حوالين الناس ديه كلها بكلمه بسيطه تريحه وتساعده علي حال مشاكله بسهوله
وكلمه معهد اصلا مش طيئها
10- نفسي أشوف البنات كلها لابسه لبس شيك وانيق جدا بس يبقي محترم شويه
11-نفسي مااشوفش بنت واقفه مع اي ولد كده وخلاص الا للضروره القسوه غير كده لا
والعكس برضه ولد واقف مع بنت ا بيبسبسلها ويعكسها معلش يابني اعتبرها زي اختك وبلاش تسند علي الحيطه المايله اللي اسمها اللبس انت ملكش دعوه ربنا يحسبها هي

ونروح نصلي الجمعه ونرجع تاني للاسئلة

بسم الله الرحمن الرحيم
وبه نستعين
ونرجع تاني للاسئلة
ونقول يارب

12-عادي والله اهوه احضر محاضرات وعلشان اتعلم واشوف صحباتي بس
13-عادي برضه خلصت المحاضرات ويارب اللقي مواصلات
14-برتاح من المواصلات لانها متعبه بتبقي
15-احساس جميل بأني وصلت سنه رابعه والحمدلله وبجيد كمان
16-احساس زي الزفت من اول سنه اولي وانا بفكر فيها ان في الشهاده البكالوريوس معهد خدمه اجتماعيه اللي انا اطحنت فيه 4سنين وفي الاخر ييجي واحد يقولك لا دا معهد مش كليه وهما هما ال4سنين
17-لا الحمدلله صافي الثلاث سنين اللي مشيوا دول وكمان بجيد نسبه67%و الحمدلله ربنا يستر في سنه رابعه
18-احساس مش بحبه ابدا فامش هعرف اوصفه لاني مش بحب سنه تضيع مني ومش بحب اقصر في شغلي مهما ان كان ولو نصيبي هيبقي كده وربنا كتبهولي هبقي زعلانه بس برضه هرضي بنصيبي لان ربنا كتبهولي وانا مقصرتش
19-والله مانا عارفه بس السنه ديه حاسيت انه بيفيد لاننا في حلقات البحث لما يغيب الدكتور بنروح نسال الدكتور جه ولا لا
20-لا هي من الاول تزاكر وتحاول انها تدخل اي كليه اريحلها ولو هي بتحب خدمه اجتماعيه تدخل كليه خدمه اجتماعيه وبلاش معهد احسن علشان سمعته زفت
بس بدال دخلته تجتهد وتيجي المحاضرات بتعتها وتعمل اللي عليها وتلتزم وان شاءالله ربنا مش بيضيع اجر حد ابدا

وبارك الله فيك
وبجد اسئله حلوه

تمااااااااام جداً

إجابات جميلة جداً بجد

وإنتظري بقي الجزء التاني من الأسئلة

هروح آخد كورس ولما آجي اكون حضرتلك بتاع 99 سؤال كده ع الماشي

99بس
دا قليل هههههههههههههههه
ان شاءالله يكون ساهلين

وهو انا معروف عني برضو أني بجيب أسئلة صعبة لا سمح الله

دا أنا غلبان جداً يعني

يلا نبدأ بالجزء الأول من الأسئلة

1- ماهو لونك المفضل ..؟؟

2- ماهو أكتر لون بتكرهييه ..؟؟

3- أيه أكتر موقف محرج حصلك قريب ..؟؟

4- أمتي بتزعلي أوي ودموعك بتنزل ..؟؟

5- إمتي بتكوني فرحانه جداً طايره من الفرح يعني ..؟؟

6- مين بتفضلي تتكلمي معاهم وتفضفضيلهم البيت عندك ..؟؟ ولا أصحابك أكتر ..؟؟

7- مين الشخص اللي بتاخديه قدوة وليه ..؟؟

8- نفسك تطلعي إيه بعد ما تتخرجي من المعهد ..؟؟

9- أيه الأمنية اللي حلمتي بيها ومتحققتش ..؟؟

10- وأيه الأمنية اللي حلمتي بيها وإتحققت ..؟؟

11- أيه أكتر صفة فيكي بتحبيها ..؟؟

12- طبعاً معروف إن الكمال لله وحده .. شايفه فيكي عيب ونفسك تصلحية ومش عارفه ..؟؟

13- لما بتكوني مخنوقه بتعملي أيه ..؟؟

14- في ظل الظروف اللي إحنا فيها دي . لو إختاروكي لرئاسة الجمهورية .... أيه هي أول حاجة هتضيفيها ..؟؟

15- وأيه هي أول حاجة هتحذفيها من البلد ..؟؟

16- نفسك بجد تمسكي منصب عالي .. ولا هتخافي من المسئولية ..؟؟

17- هل تعتقدي بكلمة المستحيل ..؟؟ وما معناها ..؟؟

18- عرفي الإنسان الفاشل ..؟؟

19- فشلتي كام مرة في حياتك ..؟؟ ويا تري كملتي وأصريتي أنك توصلي لهدفك ولا لا ..؟؟

20- شخص مشوفتيهوش ومعرفتيهوش غير ف يوم واحد بس وتاني يوم علي طول عرفتي إنه إتوفي .. هتزعلي ولا مش هيفرق معاكي ..؟؟

نكتفي بهذا القدر القليل جداً علشان بس تعرفي تجاوبي

والباقي موجود من دلوقتي كمان

بس علشان تعرفوا كرم أخلاقي وحسن تواضعي

مش هتقل المرادي وهجزأهم شوية شوية

في إنتظار الإجابات بقي

ههههههههههههه
لا حد قال كده لاسمح الله شكلها اسئله ساهله خالص

1-الأبيض
2-الاصفر
3- مافيش
4-ههههههههههههههههههههههههه أنا كتيييييييييييييير اوي
5- لما اشوف ماما وبابا مبسوطين واخويا عريس
6-البيت طبعا وصديقاتي اكتر
7-بابا وماما !!!!علشان مش شايفه منهم كتير في دنياتنا ديه
8-نفس اكون اخصائيه اجتماعيه احل مشاكل الطالبات
9-اني ادخل كليه اداب
10-مافيش
11-الاحساس والشعور بالاخرين
12-نفسي اتعلم الصبر
13- ههههههههههههههه بعيط
14- ازاي الناس اللي في مناصب عالي تحس بالناس الغلابه والفقراء
15-الرشوه والوسطه
16-لا مش هخاف وهعمل كل اللي في طاقتي بس لو يوم قصرت هاشوف من هو اجدر مني بهذه المسئولية
17-انا في نظري لا......مافيش حاجه مستحيله مع العزيمه والاصرار الا لو كان ده نصيبك
وديه حاجه ربنا كتبهالنا
18-انا في وجهة نظري برضه .الانسان الفاشل هو الانسان الذي يقابل مشكله بسيطه في حياته ويستسلم لها دون محاوله للخروج منها والتغلب عليها وينتظر وينتظر من اخرين مساعدات وحلول
19-مرتين ...الاولي كملت
الثانيه هي دخولي خدمه اجتماعيه بس بحاول اني اكمل واذاكر واعمل دبلومه وماجيستر ان شاءالله
20-طبعا هزعل لاني بتأثر بالحاجات ديه جامد

الحمدلله وخلصت الاسئله
شكلها ساهله جدا
علي العموم بارك الله فيك

هههههههههههههههههههههههههههههههههه

فرحانه أنك خلصتي الأسئلة

لا متقلقيش في تاني

هههههههههههههههههههههههههههههه

أنا عارف بتفكري ف أيه دلوقتي

بتقولي أيه الواد الرزل الرخم دا

بس متقلقيش هما آخر 102 سؤال بس

وبعدها هيتم الافراج عنك

هههههههههههههههههههههههههههههههه

نصيحة متدعيش عليا والنبي

دا أنا صاحب عيال

بس شوية وهرجع بالأسئلة

هههههههههههههههههههههههههههه
لا لاسمح الله
خليهم 1000
102قليل اوي
وبعد كده ادعي عليك ليه خليك تربي العيال
ههههههههههههههههههه

1000

وأنا موافق

أصلي ما بصدق يعني

المهم بقي ندخل ف أول شوية من الـ 1000

أنتي اللي قولتي إستحملي بقي

1. بتعرفي تطبخي ؟؟

2. لو بتعرفي تطبخي بتعرفي تعملي أيه ؟؟

3. وأيه اللي مش بتعرفي تطبخيه ؟؟

4. أيه هي أكتر أكله بتحبيها جداً ؟؟

5. وأيه أكتر أكله مش بتحبيها خالص ؟؟

معلش الجزء بتاع الأكل دا لازم

6. هل بتؤمني بالأبراج ..؟؟ وليه ؟؟

7. هل كنتي تتمني أن تكون ولداً في يوم ؟؟ ولماذا ؟؟

8. لو سمحت لك الدنيا بأن تعودي يوماً واحداً إلي الوراء لكي تمسحي شئ فعلتيه في الماضي فماذا ستمسحي ؟؟

9. هل تمنيتي يوماً أن تفقدي الذاكرة ؟؟

10. عرفي كلاً من :-

الطيبة

الشجاعة

الكسل

الفشل

الدهاء

الغباء

11. بتحبي القراية ولا لا ؟؟

12. لو إجتمع العالم كله علي إختيارك لرئاسة الكرة الأرضية ك حاكمه للعالم

فماذا ستحذفي من العالم ؟؟ وماذا ستضيفي ؟؟

13. ماهو تصرفك عندما تكوني بمفردك في المنزل ودخل عليكي لص مسلح ؟؟

14. ماهو تعريفك للجن ؟؟

15. هل تخافي الجن أم لا ؟؟

16. هل حدث لكي شيئاً مريباً في يوم لم تجدي له تفسير غير أنه الجن ؟؟

17. هل سافرتي خارج مصر من قبل ؟؟

18. لو سمحت لكي الفرصة كي تسافري خارج مصر ف أي بلد ستختارين ؟؟

19. ما هو أجمل شئ في الدنيا ؟؟

20. قولي نكته ... ملحوظة لو معجبتنيش هتقولي واحدة تانيه ؟؟

21. أنا بكرهك ..... إلي من تقولي هذه الجملة ؟؟

22. ماهو أكبر حيوان في العالم ؟؟

23. للخدمة الاجتماعية جوانب كتير .. أي جانب عجبك أكتر ؟؟

24. أهلاوية إن شاء الله ولا زملكاوية بعد الشر يعني ؟؟

25. أيه الحاجة اللي بتعمليها بس مش بيكون ليها أي لزمة ومش هتفرق معاكي لو معملتيهاش علي طول ؟؟

شـــــــــــــويـــة وراجـــع تاني إن شاء الله

كده 25 سؤال لسه باقي الــ 1000

نبدا بئي مع البرنامج اللي شكله مش ناوي يخلص
ونقول يارب
1-نعم
2- كل حاجه
3-البيكاتا
4-الكفته
5-الكرشه
هههههههههههههههههههههه حلوه اوي
6-لا بس عندي حب استطلاع اني اقرأها
7-لا
8-لا
9-لا
10-الطيبه في وجهه نظي طيبه في كل حاجه يعني بالبلدي كده القلب الابيض
-الشجاعه ايضا بتكون في كل شيْ
الكسل هو عدم المقدره علي عمل شيء لنفسك او لغيرك
الفشل هو عدم تحقيق هدف
الدهاء علي مااظن انه المكر .وبالصراحه مش عارفه
الغباء الشخص اللي مابيشغلش عقله لدرجه انه مش بيفكر
11-بحبها بس مش دايما
12-مش عارفه بصراحه
13-هعمل اللي ربنا يقدرني عليه
14-هو العفريت دا اللي بسمعه معرفش اكتر من كده
15-بخاف لما بسمع حاجات زي كده في التليفزيون
16-لا
17-نعم
18- السعوديه علشان الحج غير كده لا لاني مش بحب الغربه ولا السفر
19-والله مانا عارفه من كتر اللي بشوفه وحش في الدنيا ديه
20-واحد بلدياتنا راح السفاره الامريكيه علشان يسافر امريكا فقلوله انتا معاك لغه فقلهم لغة اه الحكايه كلها عملية فهلوه فسفروه فعدى من ادام مكان فيه فرح كبير قوى فسال واحد خواجه فساله(هو فرح مين ده يا خواجه) فقله اى دونت نوه فعدى تانى بعدها بيوم فلئى جنازه كبيره قوى فى نفس امكان فسال واحد خواجه (هو مين اللى مات) فئله اى دونت نوه فقله لاحول ولا قوة الا بالله دكان لسه فرحه امبارح
21- هي كلمه صعبه اوي .بس هقولها فعلا للي بكرهه
22- معرفش
23-خدمه اجماعه
24-اهلويه بس ماليش في الكره اوي
25-مافتكرش اني في حاجه مالهاش لازمه عندي

والحمدلله كده كفايه اوي خلاص
وبجد كانت اسئله حلوه وشكرا
شوف اي حد تاني دبسه التدبيسه ديه بئي

هههههههههههههههههههههههههههههههههههههههه

مش أنتي اللي قولتي 1000

انا كده قولت 25 سؤال لسه بدري بقي لما نكمل الـ 1000 هعملك إفراج

بس دا لما نوصل للـــ 1000 بقي

يعني معانا كده 5 شهور إن شاء الله

ونخلص الــ 1000 سؤال

ونسأل بعدهم كام 100 سؤال كمان حلاوة الإفراج وبعدها نفكر ندبس حد غيرك

بس ف الفترة اللي بنفكر فيها دي هنسألك برضو لحد ما نلاقي حد

وأول ما نلاقي حد أول سؤال هقوله يسألك 200 سؤال كده ع الماشي

طبعاً وقتها هيكون في مناسبة مش معقول بقي الـ 5 شهور دول مفيهومش مناسبة

حتي إن شالله عيد ميلاد أي حد حتي لو مكانش ف المنتدي هنا

ومعرفوش كمان

بالمناسبة السعيدة دي هسألك فيها 500 سؤال بس

وبعد ما أخلص أسئلة في واحد صحبي هو مش مشترك هنا يعني ولا معانا حتي ف المعهد

رغااااي بطريقة فظيعة

كان حلمة يشتغل وكيل نيابة من أداب إنجليزي إزاي معرفش بيحب يسأل ناس كتير علشان كده كان حلمه يكون وكيل نيابة

هخليه يستغل موهبته في السؤال ويسألك بتاع 414674 سؤلل بس

وبعدها نبقي نقول كفاية كده

ياااااااااااااااااااااااااااااااه

أقطع دراعي لو عملت كده هتبطلي تدخلي المنتدي وهتكرهي المعهد أكتر من كده

وإحتمال تولعي ف البني آدمين اللي ف المعهد دول وإحتمال مؤكد هتولعي فيا قبل ما تولعي ف كل دول

عامةً هما آخر كام سؤال وبس

1. مفهوم الحياة عندك أيه؟؟

2. مفهوم الدنيا عندك أيه ؟؟

علي فكرة يختلف الأول عن التاني إختلاف جذري

3. أيه هي التضحية من وجهة نظرك ؟؟

4. إتضايقتي بجد من الأسئلة الكتير دي ولا لا ؟؟ بس بصراحة ومش عاوز مجاملات وعلي فكرة مبزعلش من الصراحة مهما كانت

5. تحبي أكمل أسئلة ولا لا ؟؟

6. تحبي تختاري مين بعدك ؟؟

وبكده أكون خلصت أسئلة وتم الإفراج عن

hanan

اللي قعدت معانا بتاع 15 يوم أسئلة متواصلة يوم بعد يوم

واللي أكيد بجد زهقت مني ونفسها تولع فيا دلوقتي قبل كمان شوية

نورتينا بجد ومتشكر جداً علي الصبر اللي كنتي فيه دا

وكفاية إنك تحملتي غلاستي ورخامتي في الأسئلة بس والله صعبتي عليا علشان أنا من المعروف عني ف المنتديات التانية المشترك فيها

أن أحمد أول ما يدخل كرسي الإعتراف مبيسبش حد في حالة ولازم أسئلة في اليوم ما لا يقل عن 50 سؤال أسئلة يومية كل يوم يعني

ف معلش بقي

ونورتينا بجد

ههههههههههههههههههههههههههههههههههه
بجد كلامك صح كله
وفعلا ماكنتش هتدخل المنتدي تاني
انا تعبت من الاسئله مش زهقت
بس اسئله حلوه والله وتسلم ايدك
بس انا من طبعي مش بحب الاسئله الكثيره واللي عالطول

ال1000ده دا كنت بهرج دا تاريخي كله في الاسئله ديه ايه اكتر من كده وبعد كده كلها اسئله صريحه انا لو كنت هزور بئي والف في الاجابات كنت مازهقتش وكتبت كده وخلاص
دا لو كانوا فعلا1000 كنت كده دخلت ع الجغرافيا بئي
هههههههههههههههههههههههههههههههههههههههههههههه

ونقول يارب
مع اخر كام سؤال وبس
1-الحياه في وجهه نظري المتواضعه انها لعبه وكل واحد بيلعب بمزاجه فيها وزي ماهو شايف نفسه بئي ييكسب او يخسر وغالبا لما بيكون شايف نفسه اوي متهايلي بيخسر

2- الدنيا والله لغايه الان انا نفسي مش فاهماها حقيقي
لان لو الانسان مشي بقلب ابيض وصافي يقولوا عليه عبيط ومش فاهم حاجه
ولو مكار وب1000شكل ولون يقولوا دا انسان فاهم الدنيا علي حقيقتها وهو ده اللي هينفع ويعرف يتعامل مع الناس
والتلاقي الناس الكويسه هي اللي بتتاخد في الرجلين وكله يضحك عليها
بس انا متأكده ان مهما الناس كلها ضحكت عليها او استعبطته ربنا مابيسبوش ابدا
ده كل اللي اعرفه
3_التضحيه بكل حاجه وانا عن نفسي معرفش اشرحها ولا اكتبها ولا اوصفها لكن التضحيه الحقيقه ماتتوصفش وصعب صعب جدا تلاقيها في زمنا ده اللي كل واحد بئي ليه مصلحته وبس غير كده لا
انه يضحي علشانك ممكن بس ده بين ال1000تلاقي 1فقط
4-ههههههههههههههه لا والله ابدا بس انا متعودش ان حد يسألني الاسئله ديه كلها
انا بصراحه لما حد بيسال برد عليه بسؤال
بس كل اللي فيه وبصراحه لقيت الاسئله كتيره ومش راضيه تخلص
دماغي هنج
5-لا دا 71 سؤال كده خير وبركه الحمدلله هنشوف النتيجه النهائيه اللي الامتحان ايه بئي
6-ههههههههههههههههههه دا تدبيسه جامده
اختار انت بئي لاختار اي عضو/عضوه وبعدان يدعي عليا

الحمدلله انه تم الافراج عني
وبجد كانت اسئله حلوه لا ابدا انا مش من طبعي اني اولع في حد مش لدرجه ديه خالص
وشكرا لكم جميعا

وده نورركم

ههههههههههههههههههههههههههههههههههههههه

لا وأنا كنت برخم بصراحة يعني وكنت قاصد أرخم بالشكل دا

بس القصد هو الهزار وربنا مش اكتر

بس علي فكرة مجاوبتيش علي الـ 6 أسئلة اللي كتبتهم ف الآخر دول

شكل فرحتك بالإفراج نستك الأسئلة

هههههههههههههههههه
لا انا جاوبت شكلك كده مصمم علي اسئله تانيه
دا انا مجاوباهم لوحدهم هما مش ظاهرين ولا ايه

ههههههههههههههههههههههههههههههههههههههه

معلش شكلي عاوز أغير النضارة بقي

مع إنها جديدة وربنا

علي العموم معلش لو كنت رخمت

ونورتي الكرسي

ونتمني نشوفك تاني إن شاء الله

تم غلق الموضوع
انتظرونا في الحلقات القادمة

» أولي حلقات كرسي الإعتراف مع الزعيم حسام
» كيفية البحث عن كتب و حلقات بحث في الانترنت
» الآن حصريا حلقات برنامج لماذا
» الحلقة الثالثة من كرسي الاعتراف مـــع nadal