قــــــــعدة مـــــزاج

السلام عليكم ورحمه الله وبركاته

بصراحة لاحظت حاجة كده غريبة شوية ف المنتدي هنا

هو إن كل واحد فينا ف دنيا لوحده

محدش بيتكلم مع التاني

والكل بيتكلم برسميات وألقاب وكلام كبير كده

إنهاردة وهنا ف التوبيك دا

هنقدر نتكلم مع بعض بدون أي ألقاب

ولكن بحدود طبعاً

هنا هنتعرف هنتكلم ف أي حاجة هنستفسر من بعضنا علي أي حاجة

علشان نكون أسرة واحده لازم نعرف بعضنا

مفيش أسرة محدش فيها ميعرفش التاني

ولا أيه

أتمني التفاعل ونقدر نتواصل مع بعضنا

وربنا يوفقنا إلي ما فيه الخير

ومعاً سنحقق إنجازات ونجاحات باهرة بإذن الله

انا معاك في الكلام ده وانا هكون اول واحد يبدئ
واتمني اني كلنا نعمل كدا وكمان ندخل الدردشه ونتعرف علي بعض
[ندعوك للتسجيل في المنتدى أو التعريف بنفسك لمعاينة هذه الصورة]

تمام جداً

ولو مقدرناش نتكلم ف الشات العام بتاع المنتدي

نتكلم هنا نسيب لبعض كلمة علي الأقل

جايز مواعيد دخولنا تختلف مش هنعرف نتواصل

بالشكل دا هنسيب كلمة لبعض

هنتكلم ونحكي ونرغي ونقول كل اللي ف نفسنا

وإن شاء الله ربنا يكرمنا ويوفقنا إلي ما فيه الخير دائماً

اكيد وكمان عايزين نشجع الاعضاء علي وضع موضوعات ومسسهمات الردود علي الموضوعات كدا ياجماعه لازم يكون بنا نشاط جزب وشد مشاركه بجد محدش بيوضع مواضيع محدش بيرد علي المواضيع احنا علي النت مش في السجن
ارجوا من جميع الاعضاء التعاون والمشاركه احنا هنا اسره جميله
عمر مكانت صفات الاخصائي انه يقعد يتفرج علي بيحصل من غير ميشارك ويقول رائيه

عندك حق فعلاً

المفروض نتكلم ونعبر برأي بكلمة نشارك ونساهم ونتكلم ونقول كل اللي جوانا

مش لازم نتعامل برسميات

وأنا عن نفسي بحب التعامل الجماعي جداً

ليه فوائد كبيرة

وألف شكر ليك ياباشا علي مرورك ومشاركاتك وردودك وتعاونك معانا

السلام عليكم

القعده دي مش علي مزاج الاعضاء ولا اه ادخلوا شاركونا ولو بنكتة ولو حد عندة اقتراح ياريت

نرجوا منكم التعاون ياجماعة احنا طلاب خدمة يعني بنشارك بنحل مشاكل بنقترح بنساهم هي دي صفتنا ولا انتوا مش معايا في الكلام دة ياريت نتعاون اكتر من كدا وبشكر

وبشكر احمد علي الاقتراح بتاعة والقعدة الجميله بس هتكمل بمشركة الجميع

عندك حق وربنا

دا حتي من صفات الأخصائي أنه بيتكلم كتير يعني

بس إن شاء الله هنخلي الكل يشارك بإذن الله

الفترة الجاية دول هيحصل شوية تطورات كده هتخلي في زيادة ف الأعضاء وزيادة ف المشاركات

وربنا معانا ويوفقنا إن شاء الله

هههههههههههههههههههههههههه
حلوه قعده مزاج ديه
وانا في الخدمه اي حد عاوز يستفسر عن حاجه او يستفاد عادي معنديش مانع
وان شاء الله يبقي منتدي زي الفل

هههههههههههههههههههههه

علي فكرة قعدة المزاج دي محدش بيقدر يستغني عنها

يعني عارفه الفترة اللي بعد الضهر دي

بتبقي جميلة جداً كده خاصة لو قعدناها بعد العصر ياسلااااام بتبقي ليها شكل تالت خالص

عامةً أنا عملت التوبيك دا مخصوص علشان نتكلم شوية ونقول اللي ف نفسنا ونتحرك شوية يعني

نقول الخطط اللي في دماغنا علشان نطور بيها المنتدي

عن مشكلة في المعهد

عن أي سؤال خارج الحاجات اللي قولت عليها دي

يعني مشكلة عاوز يتكلم فيها

يفضفض يقول كل اللي في نفسه

بمعني أصح أنا عملت التوبيك دا مخصوص علشان نطلع طاقتنا اللي جوانا دي

لازم نتكلم بقي مينفعش نقعد ساكتين كده وكل واحد فينا ف حكاية مختلفة عن التاني ولا أيه

عندك حق scorpion
والتوبيك جميل بجد
بارك الله فيك

متشكر ليكي بجد

وزي ما وضحت هدف التوبيك

ياريت كلنا نتواصل بجد مع بعضنا هيفيدنا بجد

وعلشان نبدأ بتغيير المنتدي يبقي نطور ونغير من نفسنا ونشيل الألقاب دي ونتعامل كأننا في بيتنا التاني

والله وقتها هنلاقي المنتدي بدأ يتغير بجد

[ندعوك للتسجيل في المنتدى أو التعريف بنفسك لمعاينة هذه الصورة]