مـــن أقــــوال القذافــــي !!

من أهم أقوال الرئيس الليبي "القذافي"

1. للمرأة حق الترشيح سواء كانت ذكر أم أنثي !!!

والنبي دا علي أساس أن في نوع تالت يعني غير الذكر والأنثي

أو علي أساس أن المرأة دي بتنقسم إلي فرعين أو نوعين

ربنا يشفي

2. لولا الكهرباء لجلسنا نشاهد التلفاز في الظلام

هههههههههههههههههه

ماهو مكانش هيشتغل التلفاز أصلاً ياعم ماهو لو مفيش كهربا مفيش تلفزيون ولا حتي بوتجاز إشعال ذاتي

ونرجع لمقولتنا ونقول .... ربنا يشفي

3. أنا لست دكتاتورياً لأغلق الفيس بوك ولكني .... سأعتقل كل من يدخل عليه

ليك يوم جمعة ويكون أجازة وبعد الصلاة يا قذافي

هيعتقل كل اللي بيدخلوا الفيس بوك

أعتقل الشعب الليبي كله يا معلم بقي

وبرضو مش هقولك غير

ربنا يشفي

4. تظاهروا كما تشاءون ولكن لا تخرجوا إلي الشوارع والميادين

لا والله هيتظاهروا وهما ف البيت ولا بالموبايلات ولا ف الحلم

أنا مش هقولك غير كلمة واحدة وقولتهالك كتير قبل كده

ربنا يشفي

5. سأظل في ليبيا إلي أن أموت أو يوافيني الأجل

لا انا أعتقد إلي أن تتوفي أحسن

دا انا مش لاقيلك تعليق مناسب ياعم

ربنا يشفي

ربنا يشفي

هطق منك وربنا

6. بر الوالدين أهم من طاعة أمك وأبوك

ههههههههههههههههههه

يا سلام صح عندك حق

أصل الأم والأب غير الوالدين خالص

يعني دول حاجة ودول حاجة تانية يعني ولا أيه أصلي مش واخد بالي

هيموتني مشلول بشلل رباعي حرام عليك

7. الديمقراطية تعني ديموكراسي أو مداهمة الكراسي

ويقولك أنها كلمه أساسها عربي أو لاتيني

وهي أصلاً لا تمت لا لدا ولا لدا بأي صلة من أصله

حسبي الله ونعم الوكيل

كلامه متعرفش مناقض لبعضه أو متلخبط أو بيقول أيه

الأهم ف الكلام دا أنك مهما تقراه مرة وأتنين وسبعين برضو مش هتفهمه

أقرأ كما شئت ولكن أبقي قابلني لو فهمت حرف

دي المقولة الجديدة بتاعته اللي هتنزل ف اللقاء القادم بتاعه إن شاء الله

ههههههههههههههههههههههههههههههه
حاجه مضحكه فعلا واحسن حاجه
ديه

1. للمرأة حق الترشيح سواء كانت ذكر أم أنثي

هههههههههههههههههههههههههههههههه
هههههههههههههههههههههههههههههههه

الراجل دة كدا انا مش معايا الايام دي حاجه غير اني اتابعة واضحك سبت الكمدي والمسرحيات وبقيت بتابع القذافي ومقولاتة الشهيره

اخر حاجه قالها بيقولك ايه
التوانسة بيكلموا اليبيين علي الفيس بك بيقولولهم وطوا شويه عشان نشوف الي بيحصل في مصر

قال يعني هما وقفين مش قادرين يشفونا فاعيزين الليبيين يوطوا شوية

والحاجة التانيه قال اول م اخت ليبيا كان عددسكنها مليون وهرجعكم مليون تاني