ده حلمي لبلدي

موضوع: ده حلمي لبلدي السبت أبريل 02, 2011 9:36 am

ده حلمي لبلدي

هي أفكار بسيطة فكرت فيها ونفسي أشوفها بتتحقق فى بلدي

1_القضاء على الفساد في كل
مكان أو في اى مؤسسه

2_وضع شروط أكثر انتقاءاً
لرئيس الجمهورية يعنى مش اى حد تطلع في دماغة يترشح يقوم يترشح (يعنى مواصفات خاصة)

3_الغاء مجلس الشورى وارفاق
مهامه الى مجلس الشعب لانه بصراحه من وجهه نظرى ملوش أهميه وفى دول كتير مش فيها
غير مجلس واحد

4_رفع الحصانة عن اضاء مجلس
الشعب دخل المجلس وخارجة يعنى يبقى مجرد موظف حكومى من مسؤولياته أن يراقب ويحاسب الحكومة
(الرئيس والوزراء )،يعنى مثلا ضابط الشرطة مش معاه حصانة لكن القانون بيعطى له
الحق فى محاسبه من يشتبه فيهم ده مثلا يعنى لان كل الاعضاء بيدخلوا المجلس عشان
الحصانه وانتوا عرفين ليه

5_رفع الحصانة والحراسة عن
الرئيس والوزراء واصحاب المناصب العليا ويكون حمايتهم اخلاصهم وادائهم المتقن
لادوارهم

6_جعل وزاره الاوقاف تابعة
للازهر يعنى الأزهر يرئس وزاره الاوقاف

7_استقلال القضاء عن وزاره
العدل لضمان عدم التدخل فى شؤنهم أو التأثير عليهم.

8_إنشاء مشاريع قومية تعود بالنفع
على الوطن وكمان تستوعب نسبه البطالة الكبيرة.

9_تطبيق الشريعة الإسلامية
بالكامل ووضع ماده فى الدستور تنص على ذلك
،وكمان فى تطبيق العقوبات .

10_تشديد العقوبات الخاصة
بقضايا الانحراف وعدم التهاون فيها.

11_الغاء المدارس الخاصة ورفع
مستوى المدارس الحكومية لتكون فى
مستوى رقى بل اكثر من المدارس الخاصة فى الوقت الحالي .

12_تغيير المناهج الخالية فى
المدارس ووضع مناهج اكثر أهمية وملائمة وتساعد على التقدم ،مش مناهج ملهاش لازمه،زيادة
أهمية ماده التربية الدينية وجعلها ضمن المجموع ياجماعة دانا مكسوف اقول إن
التربية الدينية بقت اقل من التربية الرياضية حاجة تكسف ،زيادة الاهتمام بلغتنا
العربية مش اللغات الأجنبية

رفع مرتبات الدرسين من ناحية
ومن ناحية أخرى وضع لوائح وقوانين تعاقب الإهمال فى أداء هذا الدور وتجريم الدروس
الخصوصية وده البداية للقضاء علة الدروس الخصوصية،جعل دور الدرس اكثر نفوذا مثلا
جعل أعمال السنة فى ايدى المدرسين فى جميع المراحل التعليمية.

13_الغاء المستشفيات الخاصة
وتحسن المستشفيات الحكومية ، يعنى أيه وجود مستشفيات خاصة يعنى ايلى معاه يتعالج
وايلى مش معاه فى ستين داهيه.

14_وضع عقوبات صارمة لحالات
البناء على الاراضى الزراعية للمحافظة على المساحة الخضراء والاراضى الزراعية فى
مصر ومن ناحية أخرى محاوله تخفيض أسعار الاراضى التي تكون داخل الكردون (أراضى المباني
يعنى)وجعل الاراضى الزراعية هي الأعلى سعراً،وتجريم تجريف او الاعتداء على هذه
الاراضى.

15_استصلاح المزيد من الاراضى
الصحراوية وانشاء مدن جديده ومدها بكافه الخدمات اللازمة.

16_وضع لوائح وقوانين تجبر كل
من يرئس مكان جديد على الاستمرار على المشاريع التي تم وضعها قبل مجيئه (من
المسئول الذي سبقه ) مادامت قد وضعت حسب تخطيط سليم، أصل فى مشكله فى مصر إن كل ما
يجى حد جديد يلغى كل المشاريع والمختطات التي كانت من قبل ولو كان ليها فايدة
بعدما يكون قد استثمر فيها مبالغ طائلة.

17_وضع خطط تنموية للمدى
البعيد مثلا خطه لعشر او عشرين سنة القادمة ووضع تصور لما ستكون عليه البلد بعد
هذه المده.

18_زيادة أهمية وفاعلية دور
الخدمة الاجتماعية ومؤسسات الخدمة الاجتماعية والاهتمام اكثر بالأخصائيين الاجتماعيين،مش
لانى منهم او انى درست خدمة اجتماعية لكن
من ايلى عرفته من أهمية الخدمة الاجتماعية فى المجتمع (على رغم انى بصراحه لا أصلح
للعمل اخصائى اجتماعي أنا وأكثر طلاب
المعهد لان هناك إهمال كبير من ناحية أعضاء هيئة التدريس وثانيا لإهمال الطلاب).

19_القضاء على أنواع الجهل والأمية
ونقص التوعية الصحية والقضاء على الأمراض المستوطنة وبعض الأمراض المنتشرة فى مصر.

20_إعطاء مساحة وحرية اكثر
ولكن مع بعض المسؤولية،وتنقية وسائل الإعلام من الأعمال (مسلسلات _أفلام_اغانى_إعلانات
_دعاية )التي الهدف منها الاساءه الى الإسلام او تنافى الأخلاق او العادات او
التقاليد،والأعمال التافهة التي ليس لها هدف أصلا ووضع رقابه عليها.

21_تغيير كل المناهج العقيمة
فى كليات ومعاهد الجامعات المصرية،والاهم تغيير المناهج المستخدمة فى كليات الشرطة
ووضع اختبارات خاصة حتى تخرج فئات تحترم
الشعب والحريات وليس الهدف منها حماية اى نظام .

22_استثمار طاقات الشباب الذين
يتم تجنيدهم فى الجيش فى مشاريع قومية عملاقة (يعنى مثلا محدش هيشتغل بعد الجيش ع
طول)يبقى المفروض يستفيد من الشباب دوول.

23_جعل الجنية المصري هو العملة
الرسمية التى يتم التعامل بها وتداولها فى قناة السويس عشان قيمه الجنية ترتفع
شوية بس طبعا ده بعد مايكون تم سداد الجزء الأكبر من ديون مصر وكمان نكون عملنا
اكتفاء ذاتي فى بعد السلع الأساسية مثل القمح ،ونكون رفعنا قيمة الصادرات وخفضنا
نسبة الواردات.

24_إقامة الكثير من المشاريع
فى السويس (حول او بالقرب من قناة السويس)ومتكونش قناة السويس مجرد معبر او إن
مدينة السويس تبقى مجرد مدينة عادية.

أنا عارف إنكم ممكن تضحكوا وان
ده مستحيل بس لو ده مستحيل ياترى فى حد كان متوقع إن تقوم ثوره بالشكل ده وتغير
البلد كده،وأنا عارف إن كل ايلى قولته مجرد كلام او مجرد عناوين مش اكتر ،وده حلم
او فكرة من شخص عادى طب تخيلوا ايلى ممكن العلماء زى احمد زويل او فاروق الباز يعملوه
لمصر اوغيرهم ومصر فيها عقول كتير زى دوول واكتر .

لا اله إلا الله وحده لا شريك
له، له الملك وله الحمد وهو

على كل شئ قدير .

بجد انا عجبني الموضوع يااستاذ نادال
ومافيش حاجه مستحيله والله
بس هو ممكن كسل او تطنيش لكن لو كل واحد غير من نفسه الاول وعلي راي الدكتور احمد الشريف والدكتور علاء صادق
ان كل انسان يعرف اللي عليه قبل اللي ليه بجد صدقني الدنيا هتبقي حلوه ومافيش مشاكل
لكن المشكله اننا بنسكت علي الغلط واحنا شايفينه قدام عينينا ومنقدرش نتكلم
او لما تيجي تتكلم يتقالك انت مالك ياعم خد اللي ريحك ومالكش دعوه المهم مصلحتك لسه لغايه الان الفكره والكلام ده عند ناس كتير
لكن من وحهه نظري مافيش حاجه مستحيله كله عاوز مجهود وحركه وان الانسان مايفقدش الأمل اوييئس

وشكرا ليك علي طرحك للموضوع بجد موضوع جميل وبارك الله فيك
وربنا يصلح حالنا وحال البلاد كله
امين يارب العالمين

لازم الناس تفوق وتصحى الوقت ده
الوقت ده تخطيط لمستقبل ولادنا وأحفادنا

اللي حصل بالأمس عباره عن مؤامره لجذب الإنتباه واحداث فتنه من نوع اخر مثل
موضوع الجزائر وبعدين مين اللي فاضي يروح يتفرج علي كوره في ظروف زي دي غير
ناس فاضيه و مؤجره المفروض كأمه عربيه نتوحد ونتكاتف بدلا من الإختلاف علي
الكوره والكلام الفاضي ده والله انا كرهتها وعلي رأي الشاعر المصري هشام
الجخ "أتجمعنا يد الله وتفرقنا يد الفيفا"