الحلقة الثالثة من كرسي الاعتراف مـــع nadal

السلام عليكم ورحمه الله وبركاته

إنهاردة معانا عضو جديد في البرنامج بتاعنا

وهو باين طبعاً من عنوان الموضوع

وهو يبقي العضو اللي أبهرنا جميعاً بردوده الطيبة

وأخلاقه العالية

واللي بجد حسينا من أول وجود ليه ف المنتدي

أنه هيكون واحد مننا

وربنا يديم الأخوة والمحبه بينا جميعاً إن شاء الله

وهو يبقي العضو الجميل

nadal

نورت طبعاً في كرسي الاعتراف واللي أكيد هتدعي عليا دلوقتي لما تشوف أسمك

بس متقلقش هعمل معاك واجب وأسأل مجرب قبلك بقي

أثبت حضور يا معلم

وقولنا كل بياناتك أسمك وسنك ومنين وف سنة كام ف المعهد وبتروح حلقات البحث يوم أيه

الحاجات دي يعني

وإحنا إن شاء الله هنطلعلك بطاقة

ههههههههههههههههههههه

نورت بجد وربنا

مستني أثبات حضورك لحد ما أجهزلك الأسئلة

أهلا بالأستاذ نادال
منور القسم وشكرا ع الجهود الحلوه بالقسم العام

تفضل واجب الضيافه

بسم الله الرحمن الرحيم

أولا: أحب اشكر
scorpion
التقديمة الجميلة دى وبجد أنا
ليا الشرف انى عضو في المنتدى ده وان
معايا ناس محترمه زيكم ويارب ميكونش دمى تقيل عليكوا

ثانيا : بشكر أمنية على واجب
الضيافة ده وعلى فكره أنا بموت في الحاجات الحلوة دى ميرسى .

ثالثا :

1- أنا اسمي محمد احمد فؤاد
،واللقب زى منتوا عرفين nadal ،وده ليه قصه وطويلة.

2- المهم أنا عندي 21 سنة.

3- في الفرقة الرابعة.

4- أنا من سوهاج،وحلقات البحث بتعتى يوم الخميس .

بس براحة عليا شويه يعنى واحده
واحده أنا لسه جديد

أولاً كده

علي فكرة يعني أنا اللي قدمت البرنامج يعني عاوز أنا كمان واجب ضيافة ولا أنا يعني منفعش

أينعم هفتري شوية علي الراجل بس برضو هتعب

هههههههههههههههههههههههههههههههههه

شكراً وبجد نادال ليه مجهود رووووعة ف كل الأقسام

سايب بصمة كبيرة وعلامة مميزة

نادال باشا

الكلام دا أقل بكتير من اللي أنت تستحقه

أنت تستحق أكتر من كده بكتير وربنا

مش مجاملة

لا والله أنت فعلاً شخصية محترمة

تستاهل كل خير

شوية وهجيلك بالأسئلة

جهز نفسك يا معلم

ايه ياجماعه انتوا بتضا يفه هنا عند امنية وسيبنا احنا ولا ايه هوا احنا مفيش حاجه لينا ولا اية

امنيه هضيفينا ولا امشي

ههههههههههههههههههههه

بجد بحييكم برجعكم مره تانية وبراحه ياعم احمد علي محمد

لانه صديقي واخويا اه بجد هوا شخصية جميلة وطيبة

وان شاء الله يكون عجبة العصير بتاع امنية
هههههههههههههههههههههه

بارك الله فيكم جميعا

ههههههههههههههههههههههههههههههههههههههه

علي فكرة أثبتت الدراسات العلمية أن عصير الفراولة وحش ومضر بالصحة إلا لكل اللي أسمهم أحمد دول بالذات لازم يشربوا عصير الفراولة بإستمرار

أو أي حاجة تدخل المنتدي هنا لازم يكون ليا نصيب فيها

هههههههههههههههههههههههههههههههههههههههه

عامةً بغض النظر عن عصير الفراولة اللي عيني فيه دا

هههههههههههههههههههههههههه

نورت يا محمد

وبجد وربنا نورت ومن غير مجاملات

نبدأ بقي ونقول فتحت الجلسة

ونقووووووووول

1. أكتر لون بتحبه أيه هو ؟؟

2. أكتر لون بتكرهه أيه هو ؟؟

3. امتي محمد ممكن يبكي ؟؟

4. أيه اللي بيفرحك وبيخليك أكتر واحد ف الدنيا دي فرحان؟؟

5. مين أقرب الناس ليك ؟؟

6. بتحب المعهد بصراحة بس ؟؟

7. في مقولة بتقول

أسرع طريق لقلب الراجل معدته

بغض النظر عن اللي شوفته مني لأني حالة خاصة

أيه رأيك ف المقولة دي ؟؟

8. أيه أكتر حاجة بتخليك ف قمة غضبك ؟؟

9. حاجة إتمنيتها ونفسك تحققها ؟؟

10. حلم حلمت بيه ومتحققش ؟؟

11. أيه الحاجة اللي تتمني الزمن يرجع لورا علشان تمسحها ؟؟

12. ما هي الجريمة التي تمنيت إرتكابها ؟؟

13. دولة تتمني السفر إليها ؟؟

14. لما بتكون مخنوق بتروح فين ؟؟ أو أيه المكان اللي بتحس فيه بالراحة بجد ؟؟

15. أيه اللي بتتمناه ف اللحظة دي دلوقتي ؟؟؟

شوية وهرجعلك تكون رديت علي دول بقي

يعني دي بس تحيه مني ليك

يعني يعتبر لسه مبدأتش بقي

متقلقش هما حوالي 900 سؤال وبس

شوفت أنا راجل كريم إزاي

أي خدمة بقي يا معلم

ده نورك ياغالى

بش 15 سؤال والله حرام عليكوا

هجاوب وامرى لله

1_ اكتر لون بحبه الأبيض.

2_اكتر لون مش بحبه الفوشيه.

3_بصراح مش عارف بس لحد
النهارده مجربتش الحكاية دى

4_لما بعمل حاجة مهمه جدا .

5_اقرب ناس ليا صحابي.

6_بحبه طبعا لأنه عرفني حاجات كتير وعلى الأقل أتعرفت فيه على صحاب ليا بحبهم جدا
.

7_أنا ضد المقولة دى أسرع طريق
لقلب الراجل مشاعره

8_لما حد يتدخل في خصوصياتي .

9_نفسي يكون ليا دور في تحسين
وتغيير ايلى حوليا للأفضل (الناس _الأماكن )زى قريتي أو المركز بتاعى أو المحافظة،بس
طبعا نفسي يكون الحكاية دى لبلدي كلها بس خلينا واقعيين.

10_أنى ادخل كلية معينه.

11_أنى اعتزر لكل ايلى غلط في
حقهم أو جرحتهم.

12_بصراحة بس محدش يضحك عليا
،القتل انى اقتل كل إسرائيلي .

13_السعودية أنا بحبها جدا جدا
مش لان ليها طابع ديني ، لكن أنا بحبها حاسس إن حبها أتزرع فيا.

14_لما بكون مخنوش بقعد لوحدى في
مكان خالي بس يكون فيه منظر طبيعي عشان اصفي ذهني.

15_إني أحاول أحقق بعض احلامى.

حبيب قلبي

15 سؤال دول حاجة مبدئية

علي فكرة الأسئلة الكتيرة دي ليها أهداف مهمة أوووووي

منها معنوية ونفسيه وجسدية كمان

بس طبعاً هتعرفهم ف آخر الحلقة إن شاء الله

كل إجاباتك بجد جميلة

ندخل بقي علي باقي الأسئلة

1. أيه أكتر حاجة بتكرهها ف الدنيا دي كلها ؟؟

2. لو أختاروك من بين كل الناس علشان تكون رئيس الجمهورية هتوافق ولا لا ؟؟

3. لو أترشحت من الإدارة هنا وبقيت المدير

أيه أول حاجة هتحذفها من المنتدي ؟؟

وأيه أول حاجة هتضيفها للمنتدي برضو ؟؟

4. أيه بقي إحساسك وانت بتسجل المنتدي ؟؟

5. مين أكتر دكتور بتحبه ف المعهد عندنا بقي ؟؟

6. ومين أكتر دكتور مش بتحبه أساساً ف المعهد ؟؟ بصراااحة هاااا

7. بتتمني أيه التغيير اللي يكون فى المعهد ويحصل بسرعة ؟؟

8. وأيه اللي بيضايقك لما بتدخل المعهد ؟؟

9. بتحب تشوف أيه ف المعهد ؟

10. المكان المفضل ليك ف المعهد ؟؟

11. حسيت قبل كده بالظلم ف المعهد ؟؟

12. أيه رأيك ف موقع المعهد بالنسبة للطلبة كلهم ؟؟

13. بتحضر محاضرات باستمرار ؟؟

14. ايه اللي اتعلمته من المعهد ؟؟

15. ايه اللي بتتمني تتعلمه ولحد دلوقتي لسه متعلمتوش ؟؟

معلش بقي استحملني شوية

استحملك دانا قرب انتحر

خلاص هجاوب وعلى رأى المثل
(مجبر اخكَ ،لا بطل )

1_هما حجتين الخيانة والطمع.

2_لاء طبعاً لأنها مسؤليه وأنا
معنديش الخبره اللازمة ربنا يحفظنا منها.

3_الإعلانات ايلى فى اعلى المنتدى
إعلانات المطربين، هما ثلاث حاجات ،إذاعة قرآن كريم ،مساحة إعلانية ،واحده للأحاديث
القدسية ،والاخره للأحاديث النبوية الشريفة، معلش أنا عارف انى طولت فى الإجابة.

4_من غير مجاملة إحساس جميل
بحس إن ليا دور.

5_محمد على بخيت مش لشخصه بس
عشان المادة بتاعته فى أولى (علوم سياسيه).

6_عصام شحاتة.

7_بصراحة المعهد فيه بعض الإهمال.

8_صوت الكروان اشرف العمدة.

9_اصحابى.

10_عند مدرج العميد.

11_طبعا فى سنه أولى .

12_موقع كويس.

13_لازم الإحراج ده ياعم احمد
للاسف لاء.

14_مش كتير بس عرفت أهميه دور
الخدمة الاجتماعية والاخصائى الاجتماعي فى المجتمع كله (من وجه نظري لا يقل أهمية
عن دور الطبيب أو اى دور في المجتمع).

15_انى أتعلم كل صغيره وكبيره مرتبطة
بالاخصائى الاجتماعي والخدمة الاجتماعية كل شيء.

محمد باشا

إجاباتك كلها جميلة بجد

هسألك سؤالين

بس كل سؤال علي حدا

أول سؤال

أمنياتك أيه بعد ما تخلص المعهد وتتخرج منه إن شاء الله

أيه هدفك ف الحياة دي

ايه اللي بتتمني توصله ونفسك بجد توصله وتحققه ؟

جاوب بقي يا معلم وهجيبلك السؤال التاني علي طووووول

شكرا يااحمد بيه
اعمل دبلونة بس لسه مختش قرار.
انى احقق كل احلامى او على الاقل بعضها
هى اشياء بسيطه انى اشتغل بالموئهل بتاعى شغلانه مناسبة وليها دور
انى الاقى بنت الحلال وان اكون اسره بجد
على فكرة انا عرفك هتضحك على الجملة الاخيره.
بس نعديها دى حضرتكم

هههههههههههههههههههههههههههه

علي فكرة أنا بضحك بس مش علي الجملة الأخيرة دي

بالعكس

انا بضحك

لأن أنا كمان بتمني نفس الحلم دا

وإن شاء الله ربنا يوفقك ويكرمك وتحقق كل اللي بتتمناه

كده بقي

في لقائين بس هعملهم معاك وبعدها

مش هقولك خلاص بقي

بس هسيب الناس الكويسه دي تسألك شوية

أنت فاكر دخول كرسي الاعتراف زي خروجه

تبقي بتحلم يا معلم

ههههههههههههههههههههههههههههههههههههه

والله شكلك بتدعي عليا دلوقتي

بص بقي

آخر سؤال هسألهولك

وبعدها هقولك فايدة الأسئلة دي كلها أيه

مع أنهم قليلين بصراحة

أتكلم عن نفسك ..... بس ..... كأنك بتكلم نفسك

قول اللي جواك

عبر بمشاعرك

أعترفلنا بإعتراف جواك معترفتوش قبل كده لحد

طبعاً ليك حريتك الشخصية ف الإجابة علي السؤال دا

وبعد كده هسيب الناس تسألك

أنا لسه هدعى عليكوا

منكم لله

يالله هجاوب وخلاص هي تدبيسه
واتدبست فيها

طبعا الحاجات ايلى بفكر فيها
كتير لكن أهمها دى مش ندم لكن فكره من وقت للتانى بفكر فيها

ياترى لو رجع اليوم ايلى قدمت
فيه على المعهد هل هقدم برضوا عليه ولا لاء

انا الحمد لله راضى طبعا لانى
دخلته بإرادتي مش بإرادتي 100% لكن كان ممكن ادخل اى كليه تانيه طبعا الخيارات
محدوده

والحاجة التانيه ياترى انا ليه
مهمل في الدراسة بتعتى يعنى مثلا مش بحضر محاضرات هل لانى أتظلمت في سنه أولى ولا
لانى شايف إن الأخصائيين الاجتماعيين والخدمة
الاجتماعية ككل مهمشة في بلدنا على الرغم من أهميتها

دى الحاجات ايلى بفكر فيها .

ممكن تكون مش مهمة لبعضكم

لكن من وقت للتانى بفكر فيها.

» تاني حلقات كرسي الإعتراف مع hanan
» رأسية فرانسيس في السكة تمنح جوزيه اول فوز ودي في ولايته الثالثة للاهلي
» أولي حلقات كرسي الإعتراف مع الزعيم حسام
» الواد نطق قبل أوانه + الحلقة الأولى ( عمليات التجميل )
» جدول امتحان الفرقة الثالثة عالي للفصل الدراسي الأول دور يناير 2011/ 2012م